Yeremiya 47:3 - Mawu a Mulluku

³ Eneerewiiwa mukhito wa akavalo oothamaka, eneerewiiwa onyakulla wa magareta ni winlla wa magudumu. Makhollo kheyaapwatha aniiwa, eneerorama yaweera.

Yeremiya 47:3 ပူးပေါင်းရင်းမြစ်များ

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Oweeruza 5:22

“Vano weeta wa manyallo a akavalo wahiiweya wunchichi akavalo ayo yalluphallupha, ethamakaka wunchichi.”

Nahumu 2:4

Magareta ethamakaka m'misewuni, Eri vikirivikiri m'mathatoni, eri mollimolli wonanko mitthiko eri ng'aning'ani wonanko ettari.

Yeremiya 46:9

Nyu akavalo, hankoni, nyu magareta, thamakani, Nyu akhoto, yaani vahoollo, nyu a o Kushi ni a o Puti, oophareella ezishango, nyu eeruso dda miira a o Ludi.”

Yawuupullulla 9:9

Aakhallattho ni makarumbasa awooneya wonanko ddoowara dda mukoko ddawiitetezella ekhakadda nave muuphellwaaye yaananyakulla wonanko magareta ni akavalo anchichi oothamakella okhotoni.

Yeremiya 50:42

Ekusalle miira ni mavaka, tti athu awumma murima, khenna echifundo. Enanyakulla wonanko enyanja, ewenlle va akavalwiiwa okhozekella owana ekhoto ni we Babiloni.

Ezekiele 23:24

Eneeroowa ovenyera ompoto va a kavalo akhoto ni magareta. Eneerowaapheella ewarille ddawiitetezella ni ezipewa ddakhoto. Kineerewuuhiya m'mattani mwiwa wi yuullake nave eneerewuullaka moollikana ni mmo enaapaallelliiwa.

Nahumu 2:8

Ninive ootthattuwa wonanko nthiya, nno maaddiiwa enakhuma poo. Amodda enimakhuwa wi, “Imellani! Imellani!” Koma khaavo oyo anahokollowa.

Yesaya 5:28

Mipaamba tti ddootthokowa nave miira ddiwa ddookhozeka. Manyallo a akavalwiiwa tti oollipa wonanko nlluku nave magaretiiwa tti oothamaka wunchichi wonanko ephevo ya namangalle.