Yeremiya 47:2 - Mawu a Mulluku

² “Ngoonani mmo maaddi enakitthelliiwa ovenyera ompoto, enaakhalle muhinje woosefukella ni woonyakulla. Eneerosefukella mwiillaponi, eneeropwiniha ddittheddene ddookhalla mwemmo, mizinda ddittheddene ni athu attheene ookhallamo. Athu eneerokhuwa, attheene a mwiillaponimmo eneerewinlla.

Yeremiya 47:2 ပူးပေါင်းရင်းမြစ်များ

Yeremiya 46:20

Iguputo ari wonanko musaanaang'ombe ooreera, koma mwiikaanga woovenyera ompoto oneerommorella.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 1:14

Apwiya yaakilleella wi, “Nndda ddinattaphullella ompoto oneerovenyera otulli oyo onaamorelle athu a mu ellapo ella.

Yawuupullulla 17:15

Mungelooyo aallotattho wa miyaano wi, “Maaddi woonilleewe mvo vakeraatthille hulooyo, sika ellapo, malloko, mitundu dda athu ni ellotello dda athu.

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Yakobo 5:1

Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!

1 Akorinto 10:28

Koma muthu mmodda allota wa nyuwaano wi, “Ddoocha ddenndda ddaaheraatthiwa mukutho wa mafano,” vano muhiche ddoocha ddennddo, ekaamba ya oyo uulleelleni navettho ekaamba ya yawuupusella murima,

1 Akorinto 10:26

Vawi mawu a Mulluku enallota wi, “Ellapo yavatthi ni erive ello ya mwemmo tti ya Apwiya.”

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.

Daniele 11:22

Aneerewiikariha ni otthollosa milloko ddakhoto naarittho enduna ya echipangano.

Yeremiya 48:39

Ngoonani mmo anyenyeyelleeye! Ngiiwaani mmo eninllella athwaaye! Ngoonani mmo iikuhelleeye moowulliha muru! Mowabu ootthattuwa ello yoonyaambuseya, ello yawoopiha wa akhwaaye awaatamanana. Mi Apwiya koollota.”

Yeremiya 46:13

Nebukadinezara mwene a o Babiloni awiilleeye wi ahelle ekhoto ellapo ya Iguputo, mawu a Apwiya yaawa wa miyaano wi,

Yesaya 59:19

Sika athu eneerewoova nnddina ni ntitimiho na Apwiya ovenyera wookhuma nndduwa ophiyera woovollowa nndduwa. Apwiya wonanko muhinje woothamaka wookakhiwa ni ephevo.

Yesaya 28:17

Echilungamo sika enaakhalle wonanko mukwe woolingella matthipellwaaye nave weella murima onaakhalle wonanko yawookollellaaye. Koma marallalla eneerewoononga ddawoottha nnddo munaddiroromelleenyu nave echigumula eneeropwiniha nipuro nanyu noovulluwellamo.”

Yesaya 22:1

Nngu sika ollotella wa dda ntapo na Masomphenya. Ethiyo yeereyille tti tini wi attheene muwelle vaddullu va enyumba?

Yesaya 15:8

Winlla wiwa onniiweya o ellapo ettheene ya Mowabu naari ovenyera o Egilaimu ophiyera omwera o Beerelimu.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.

Masalimo 98:7

Enyanja ni ddittheddene ddiri mwemmo ddithurume, ellapo ni ddittheddene ddiri mwemmo ddikhuwe.

Masalimo 96:11

Ddooddullu ddihakallalle, ddavatthimva ddithapelle, enyanja ni ddittheddene ddiri mwemmo ddithurume

Masalimo 50:12

Kaariki ni ettalla ngaawuulleelleni, vawi ellapo yavatthi ni ddittheddene dda mwemmo tti ddaaka.

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 46:12

Athu a mitundu ddimodda ahiiwa dda ddoowulliha muru ddawo, winlla wawo wookwakhwana ellapo yavatthi ettheene. Akhoto enimakuhanakuhana, attheene eniikuhella nimodda.

Yeremiya 46:24

A o Iguputo eneerowulliwa muru, eneerophariwa okaporo ni athu a ompoto. Mi Apwiya koollota.”