Yeremiya 47:1 - Mawu a Mulluku

¹ Alla sika mawu a Apwiya yawiille wi yallotilliiwa ni namallotella Yeremiya, dda Afilisti, Farao ahinamoononge Gaza.

Yeremiya 47:1 ပူးပေါင်းရင်းမြစ်များ

Yeremiya 25:20

owaakattho wa athu a mitundu ddimodda ookhalla mu Iguputo. Yaakirumattho wa mamwene mattheene a o Uzi, wa mamwene mattheene a o mizinda dda Afilisti, sika wi Ashikeloni, Gaza, Ekeroni ni o echigawo yoohalla ya o Ashidodi.

Genesis 10:19

ophiyera o malire a o Kanani. Maliraayo yaambeelle o Sidoni oyeella o Gerari ophiyera o Gaza ni oyeellattho o Sodomu, Gomora, Adima ni Zeboimu ophiyera o Lasha.

1 Mamwene 4:24

Mwene Solomoni alamulella echigawo ettheene ya embali ya woovollowa nndduwa ya muhinje wa Yufurate ovenyera o Tifisa ophiya o Gaza nave echigawo ettheeneeyo yaari ya murendelle.

Yesaya 14:29

“Nyu Afilisti, muhihakallalle vawoonani wi Aasiriya ayo yaari wonanko ekopo yoowuukuthani aatthollowa. Mu mutundu wa enowa shisha muneerokhuma evilli nave mu mutundu wa evilliiyo muneerokhuma enowa yanttipwi yoothamaka wunchichi.

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Ezekiele 25:15

Mi Apwiya Mulluku kinallota wi, “Filisti aamuhokollosella ddoonanara mweekuku athwaaka ni murima wowaavevulla nave aapalla owoononga.