Yeremiya 43:4 - Mawu a Mulluku

⁴ Sika Yohanani mwaana a Kareya, oohoollella attheene a akhoto ni athu attheene a o Yuda yaakhoota owiiwellella Apwiya nave kheyaakhanlle o Yuda.

Yeremiya 43:4 ပူးပေါင်းရင်းမြစ်များ

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Oollalleya 9:16

Sika miyaano kinallota wi ezeru tti ddookhwaranya masiva naari athu kheyiiwa ezeru dda muthu oohoowa nave wi khepwatha mawaaye naari vang'ono.

2 Mamwene 25:26

Vaavo Aisraele attheene eeyuuma ni oohoowa vamodda ni akhoto uullupalli yaaya o Iguputo vawi yaanawoova Ababiloni.

Yeremiya 41:16

Vano Yohanani mwaana a Kareya ni oohoollella a milloko ddakhoto yahaakusa oohalla o Mizipa ayo Ishmaele mwaana a Netaniya, aapharilleeye okaporo amwiiphalle Gedaliya mwaana a Ahikamu. Yaaphanreewaayo yaari akhoto, atthiyana, anamwani ni oohulliwa* a mwene ayo Yohanani awiilleeyena ovenyera o Gibiyoni.

Yeremiya 42:8

Sika Yeremiya aamwiithana Yohanani mwaana a Kareya ni oohoollella attheene a akhoto ayo yaari ni olliye navettho athu attheene uullupalli ni ang'onong'ono.

Yeremiya 42:21

Kohuulleellani ddittheddene ollello koma khamwaawiiwellelle Apwiya Mullukwaanyu ddittheddene nnddo ekirumalliiwa wi kuulleelleni.