Yeremiya 43:11 - Mawu a Mulluku

¹¹ Nebukadinezara aneeromoononga Iguputo, aneerorumiha mullilli va athu oophwanella okhwa ni mullilli eneerewiiphiwa ni mullilli, oophwanella ophariwa okaporo enaaye wuukaporoni nave oophwanella wiiphiwa ni nsupada eneerewiiphiwa ni nsupada.

Yeremiya 43:11 ပူးပေါင်းရင်းမြစ်များ

Yeremiya 44:13

Kineerewaallaka Ayuda ookhalla o Iguputo wonanko mmo kaallakelleemi o Yerusalemu.

Yeremiya 15:2

Nave Yuukoha wi, ‘Ethiyo niye wuuwi?’ Waalleelle wi mi kinallota wi, ‘Oophwanella okhwa enaaye wuukhwaani, a o nsupada enaaye onsupadani, a o ettalla enaaye ottallani, a o okaporo enaaye wuukaporoni.’

Zekariya 11:9

Sika kaawulleella mulloko wa enkhosoolle wi, “Ngiwa kuuweheranittho. Oyo Oophwanella okhwa akhwe, oophwanella orimeella arimeelle nave oohallanyu muttakhunaneke.”

Yeremiya 25:19

Yaakirumattho wa mwene a o Iguputo, wa enduna ddaye, allupa muttekwaaye ni athwaaye attheene,

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Yobu 20:29

Olla sika otulli onammorella muthu oochimwa, yoohallana ya wa Mulluku.”

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Yeremiya 25:15

Apwiya Mulluku a Israele, yaakilleella wi, “Omukuse kapu olla ooddalla ni owallaaka nave waawiryihe athu a mitundu ddittheddene nko kinaawurumeemi.

Yeremiya 42:22

Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Ezekiele 29:11

Khaniivo nnyallo na muthu apaalle na enama ninaanyingallevo. Oneerokhalla woohikhalla athu wa miyakha 40.

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.