Yeremiya 42:6 - Mawu a Mulluku

⁶ Khaya tti ddaphaama apaalle ddoonanara, nineerewiiwellella mawu a Apwiya Mullukwaahu ayo nuuvekilleehuni wi mwanivekellewo. Ddawoona, nineerewiiwellella Apwiya Mullukwaahu wi ddeko ddineetelle phaama.”

Yeremiya 42:6 ပူးပေါင်းရင်းမြစ်များ

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Aroma 7:13

Ethiyo ello yaphaameella sika yeerihalle okhwa waka? Khe ddiiddo! Yoochimwa sika yeerihalle. Voopharihani mutteko yaphaama yeella, machimo yaakiipha miyaano wi yawoona ya yoochimweeyo yuupullulliwe. Sika vano, ekaamba ya malamulo machimo yohooneya wi tti oonanara wunchichi.

Aroma 7:7

Vano ninaallote tini? Ethiyo ninaallote wi malamulo tti machimo? Khe ddiiddo! Koma malamulo yaariki ehikhallewo, ngaadduwelle machimo. Nave ngaadduwelle osilila malamulo yaariki ehillote wi, “Ohisilile.”

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Masalimo 128:2

Onaache ezipaso dda mitteko dda mattaawo, onaadalisiwe ni ddeko ddaphaama.

Yoswa 24:24

Athwaayo yaamulleella Yoswa wi, “Nineerekewaarumeyella Apwiya Mullukwaahu nave nineerekowiiwellella.”

Eksodo 24:7

Vano aakusa nibukhu na echipangano, aweerengella athwaayo mowiiweya phaama. Nave athwaayo yaallota wi, “Nineereweera ddittheddene nnddo Apwiya ellotilliiwa nave nineerowiiwellella alliwaayo.”

Deuteronomo 5:27

Nyuwaano Mose sika munaatamellewo wi mwiiwe ddittheddene nnddo Apwiya Mullukwaahu enaallotiiwa. Vatulli viwa muwe wi munilleelle attheenehi nnddo enaawuulleelleniiwa nave hiyaano nineerewiiwa ni weera.’

Yeremiya 22:15

Ethiyo onaganiza wi ori mwene kaambiiwa enyumba ddawo tti ddamukunguza? Attiittho yaakhalla ni erive ello, yaaneeruza moolungama ni moohiweha ekhove, ddittheddene ddaanaweetella phaama.

Yeremiya 43:4

Sika Yohanani mwaana a Kareya, oohoollella attheene a akhoto ni athu attheene a o Yuda yaakhoota owiiwellella Apwiya nave kheyaakhanlle o Yuda.

Masalimo 78:36

Koma alliwa yaamoottottha ni vayanoni viwa, yaamulleka ni nllumi niwa.