Yeremiya 42:3 - Mawu a Mulluku

³ Muvekelle wi Apwiya Mullukwaanyu enilleelle nko ninaphwanelleehu oyaawo ni nnddo ninaaweereehu.”

Yeremiya 42:3 ပူးပေါင်းရင်းမြစ်များ

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

1 Mamwene 8:36

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?

Masalimo 27:11

Nyu Apwiya kihuddiheni ettilla ddanyu, kihoollelleni mu ettilla ddoosalala kaambiiwa kookhalla ni adani anchichi.