Yeremiya 42:22 - Mawu a Mulluku

²² Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Yeremiya 42:22 ပူးပေါင်းရင်းမြစ်များ

Yeremiya 42:17

Athu attheene enallipihella ddooya o Iguputo wi yakhalle wenko enaakhwe ni ekhoto, ettalla ni mullilli. Khaavo naari mmodda anaahalle apaalle ovulluwa o ddawoopiha nnddo kineereemi kaamorihelle.’ ”

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Ezekiele 6:11

“Mi Apwiya Mulluku kinallota wi, ‘Opa m'mattani mwawo nave onyingallihe nnyallo nawo vatthi mwamasiva.’ Vano ollote wi, ‘Otulli!’ Ekaamba ya ddoonanara ddittheddene nnddo nibanja na Israele yeerilliiwa eneerokhwa ni ettalla, ekhoto owaaka mullilli.

Yeremiya 43:11

Nebukadinezara aneeromoononga Iguputo, aneerorumiha mullilli va athu oophwanella okhwa ni mullilli eneerewiiphiwa ni mullilli, oophwanella ophariwa okaporo enaaye wuukaporoni nave oophwanella wiiphiwa ni nsupada eneerewiiphiwa ni nsupada.

Yesaya 30:3

Koma muneerowulliwa muru ni echitetezo ya Farao navettho ni nipuro noovulluwellavo na o Iguputo.

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.

Ezekiele 33:27

Waalleelle wi mi Apwiya Mulluku kinallota wi, kinimallupella vamiitthoni vaka wi athu ayo yahanlle m'matepeni a mizinda eneerewiiphiwa ni nsupada. Ayo yahanlle m'mizi kineerewaavelleella o enama ddamuhakani wi ddaattakhune. Ayo yiipitthalle m'mwaangoni ni m'makhunguni eneerokhwa ni millilli.

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Ezekiele 6:12

Ayo eri woorekamella eneerokhwa ni mullilli. Ayo eri vakhuviru eneerokhwa ni ekhoto. Nave oohalla eneerokhwa ni ettalla. Mmu sika kinaawoonihelleemi osha murima waka.