Yeremiya 42:11 - Mawu a Mulluku

¹¹ Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Yeremiya 42:11 ပူးပေါင်းရင်းမြစ်များ

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Yesaya 43:5

Ohoove vawi kiri ni weyaano. Kineerohokollosa edduullu ddawo ovenyera wookhuma nndduwa, kineerodditthukumaniha ddittheddene ovenyera woovollowa nndduwa.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Yeremiya 41:18

ekaamba yoowoova Ababiloni. Yaanoova ekaamba yawi Ishmaele mwaana a Netaniya, aamwiipha Gedaliya mwaana a Ahikamu oyo mwene a o Babiloni amuhiyalleeye wi akhalle oolamulella.

Yeremiya 27:17

Muhiwiiwellelle koma mumurumeyelleke mwene a o Babiloni wi muvulluse okumaanyu. Muzindoolla onaatthattuwelle tini ntepe?

Yeremiya 15:20

Kineerewuutthattusa oollipa wonanko mpanda wamukuwa wa athwaayo. Alliwa eneerollipana ni we koma kheyuupambana vawi kiri ni we wi kiwaakihelle ni wuuvullusa.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Deuteronomo 20:4

Apwiya Mullukwaanyu eneerothaanana ni nyuwaano wi yuukavihereni va ekhotweeyo nave wi yuupambaniheni.’

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Mitteko 18:10

vawi kiri ni weyaano. Khaavo anaawuvoreye vawi anchichi m'muzindanimmu tti athwaaka.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Yeremiya 27:12

Mawu amoddamoddave yaayo kaamulleellattho Zedekiya mwene a o Yuda wi, “Ivelleelleni o nigoli na mwene a o Babiloni ni omurumeyella olliye ni athwaaye wi muvulluse okumaanyu.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

2 Mamwene 25:26

Vaavo Aisraele attheene eeyuuma ni oohoowa vamodda ni akhoto uullupalli yaaya o Iguputo vawi yaanawoova Ababiloni.

Masalimo 118:6

Apwiya yakhalla o embalaaka, ngoova. Muthu ttuukeerella tini?

Yeremiya 27:11

Koma orive mutundu anaakhullelle nigoli na mwene a o Babiloni ni omurumeyella kineerewuuhiya mwiillaponi mwiwa wi ollima ni okhalla mwemmo. Mi Apwiya koollota.”