Yeremiya 42:10 - Mawu a Mulluku

¹⁰ ‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yeremiya 42:10 ပူးပေါင်းရင်းမြစ်များ

Ezekiele 36:36

Athu a mitundu ddimodda ayo yahanlle vakhuviru ni nyuwaano eneerodduwella wi mi Apwiya sika kamakillettho mizinda ddawoonongeya ni waallattho ddeko ddanaanweene mu ethaya yoohiyiweeyo. Mi Apwiya koollota ddenndda nave kineereweera.’

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Amosi 7:6

Vaavo Apwiya yaamoriwa ethakaraka ellota wi, “Ddennddattho khaddiwa ddeereya.”

Yeremiya 33:7

Athu a o Yuda ni a o Israele kineerewaahiya vaphaama ni waahokollosella mmo yakhallelliiwa vawaamba.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

Mitteko 15:16

‘Apwiya enallota wi, ddamalla ddenndda kineerohokollowa, kihokolloselle omwene wa Davide oyo wakumuwalle wonanko enyumba. Kineeromakattho mwakumulliwemmo nave kineeroweeriha wi okhalle woollipa.

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Masalimo 102:16

Apwiya eneeromumaka Ziyoni, eneerewooneyella mu ntitimiho niwa.

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

2 Samuele 24:16

Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Yeremiya 27:11

Koma orive mutundu anaakhullelle nigoli na mwene a o Babiloni ni omurumeyella kineerewuuhiya mwiillaponi mwiwa wi ollima ni okhalla mwemmo. Mi Apwiya koollota.”

Yeremiya 43:4

Sika Yohanani mwaana a Kareya, oohoollella attheene a akhoto ni athu attheene a o Yuda yaakhoota owiiwellella Apwiya nave kheyaakhanlle o Yuda.

Yona 3:4

Vano Yona aavollowa m'muzindammo. Eetille olendo wa nllapo nimodda, ahaamba ollalleya wi, “Voomallani mallapo 40, Nineve aneerotthollosiwa!”