Yeremiya 41:5 - Mawu a Mulluku

⁵ waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Yeremiya 41:5 ပူးပေါင်းရင်းမြစ်များ

1 Mamwene 16:24

Olliye aakulla mwaango wa Samariya ovenyera wa Shemeri ni makobiri 6,000 asiliva. Nave yaamakavo muzinda owaaka mpanda woollipihana mwaangooyo. Muzindooyo yawuromonlle wi Samariya, okusella nnddina na Shemeri, mwaneena a mwaangooyo.

2 Mamwene 25:9

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yoswa 18:1

Aisraele attheene yaatthukumana o Shilo emakawo musasa wamutthukumano nave ellapo yahaagonjella.

Deuteronomo 14:1

“Nyu muri athu a Apwiya Mullukwaanyu. Sika vawinllani maliro oohiiremarema apaalle wiichema vayuuchini.

1 Mamwene 12:1

Rehobowamu aaya o Shekemu vawi athu attheene oompoto wa Israele yatthukumanne o Shekemu wi yamuvollochihe omwene.

Oweeruza 9:1

Vano Abimeleki, mwaana a Yerubaala, aaya o Shekemu wa abaliiwa a amennya, ni wa nlloko na nibanja na amennya wi,

Genesis 33:18

Vatulli viwa Yakobo aaphiya phaama o muzinda wa Shekemu mu ellapo ya Kanani, ahokollowille ovenyera o Mesopotamiya. Nave aatthipella misasa vanipuroni na vakhuviru ni muzindooyo.

Yesaya 15:2

Athu a o Diboni enawella enyumba ya milluku ddiwa ni mapurwiiwa oollapellamo yinllaka. Athu a o Mowabu eninllella muzinda wa Nebo ni wa Medeba. Orive muru woochemiwa mpala, ereru ddittheddene ddoochemiwa.

1 Mamwene 16:29

Muyakha wa 38 woomwene wa Asa o Yuda, Ahabu mwaana a Omuri aavollowa omwene wa o Israele. Olliye ahaalamulella Aisraele o Samariya wa miyakha 22.

1 Mamwene 12:25

Yerobowamu aamakella muzinda wa Shekemu mu miyaango dda Efuremu nave anakhallamo. Vatulli viwa amakattho muzinda wa Penuwele.

1 Samuele 1:7

Ddenndda ddaanavirellella weereya orive muyakha yaya o enyumba ya Apwiya. Penina aanamuvoriiha murima wunchichi Hana ophiyera wi Hana aaninlla nave aanakhoota ocha.

Yeremiya 7:14

Sika nnddo kimweerelleemi Shilo kineereweerattho va enyumba ella yoodduwanyeya ni nnddina naka, nipuro nno munaniroromelleenyu nave nno kuuvahilleemini ni makhollwaanyu.

Yeremiya 7:12

Khaweni o nipuro na o Shilo nko vawaamba wadduwanyeya ni nnddina naka. Moone nnddo keerilleemi ekaamba ya onanara wa athwaaka Aisraele.

Masalimo 102:14

Oorumeyellaanyu ennahakallallana mallukwaaye, ennamorella ethakaraka nthupi naye.

2 Samuele 10:4

Sika Hanuni ahaaphara oorumeyellaayo aachema ereru ddiwa embali emoddamodda nave aaphadda variyari ddoowara ddiwa okomella muyuununi, aahokollosella owaniwa.

Yoswa 24:32

Vano makhuva a Yosefe ayo Aisraele yaakusalliiwa o Iguputo yahaavittha o Shekemu o echigawo eyo Yakobo akullalleeye wa edduullu dda Hamori, attiitthinnya a Shekemu, va mutengo wa makobiri manchichi. Nave ellapweeyo yaatthattuwa yoohallana ya edduullu dda Yosefe.

Genesis 34:2

Shekemu, mwaana a Hamori Muhivi mwene a echigawo ya ellapweeyo, amoonille namwallooyo, aakonana momupharella.

Genesis 37:12

Nllapo nimodda asinne a Yosefe yaaya o Shekemu woochiha eziweto dda attiitthiiwa.

Oweeruza 18:31

Sika enthawi ettheene enyumba ya Mulluku yaariiwa o Shilo, athu a nlloko na Danaalle yallapella nifano nne Mika anipangilleeye.

Masalimo 78:60

Aahiya nipuro naye o Shilo nko akhalleeye, musasa oyo akhalleeyemo variyari va athu.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 41:4

Ohinase, athu ehinadduwelle wi Gedaliya ohiiphiwa,

Yeremiya 47:5

A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Yeremiya 48:37

Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

1 Epilli 19:4

Sika Hanuni ahaaphara amithenga a Davide, aachema ereru ddiwa embali emoddamodda nave aaphadda variyari ddoowara ddiwa okomella muyuununi, aahokollosella owaniwa.