Yeremiya 41:10 - Mawu a Mulluku

¹⁰ Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.

Yeremiya 41:10 ပူးပေါင်းရင်းမြစ်များ

Yeremiya 40:14

Yaamukoha wi, “Ethiyo munnadduwella wi Baalisi mwene a Aamoni oomuruma Ishmaele mwaana a Netaniya wi awiipheni?” Koma Gedaliya mwaana a Ahikamu khaakhulupililalle.

Yeremiya 40:7

Nave vaakhalla oohoollella amodda ni akhotwiiwa ayo yiipittha. Alliwa ni athwiiwa yahiiwa wi mwene a o Babiloni aamutthoolla Gedaliya mwaana a Ahikamu wi akhalle oolamulella nave wi aawehereke athu oohoowesesa, allopwana, atthiyana ni anamwani, ayo yahiphariwe okaporo waayaana o Babiloni.

Nehemiya 2:19

Koma Sanibalati Muharoni, Tobiya oohoollella a Aamoni ni Geshemu Mwaarabu yiiwalliiwa nnddo nakhozekelleehu wi neere, yaanittheya nave yaaninyaambusa ellota wi, “Muneereenyunndda tti tini? Ethiyo munavaanyihana ni amwene?”

Nehemiya 2:10

Koma Sanibalati Muhoroni ni Tobiya oohoollella a Aamoni yiiwalliiwa wi muthu mmodda aawa aweerella Aisraele ddaphaama yaananariwana wunchichi.

Yeremiya 39:6

Vano mwene a o Babiloni aawiipha anamwani aallopwana attheene a Zedekiya o Ribula Zedekiyooyo oonaka. Mwene a o Babiloni aaddiiphattho enduna ddittheddene dda o Yuda.

Yeremiya 22:30

Apwiya enallota wi, “Mulembeni muthoolla wonanko oohikhalla ni anamwani, oyo ahinaphure ello va okumaaye. Vawi khaavo naari mmodda mwa edduullu ddaye oyo anaakhalle va mpando woomwene wa Davide wi ttuulamulellattho ellapo ya Yuda.”

Yeremiya 38:23

Nave kaallotattho wi, “Awarinyu attheene ni aniinyu eneerewaavelleella m'mattani mwa Ababiloni nave khamuwora othawa. Muneerophariwa ni mwene a o Babiloni, vatulli viwa muzindoolla oneerohelliwa munllo.”