Yeremiya 40:7 - Mawu a Mulluku

⁷ Nave vaakhalla oohoollella amodda ni akhotwiiwa ayo yiipittha. Alliwa ni athwiiwa yahiiwa wi mwene a o Babiloni aamutthoolla Gedaliya mwaana a Ahikamu wi akhalle oolamulella nave wi aawehereke athu oohoowesesa, allopwana, atthiyana ni anamwani, ayo yahiphariwe okaporo waayaana o Babiloni.

Yeremiya 40:7 ပူးပေါင်းရင်းမြစ်များ

Yeremiya 39:10

Nebuzaradani, muullupalli a alonda akhoto, aahiyalle athu oohoowesesave ni oohikhalla ni erive ello mu ellapo ya o Yuda. Nave ahaavaha emata ddampesa ni emata ddimoddattho.

Ezekiele 45:16

“Athu attheene a mwiillaponimmo evelleelleke ddenndda wa mwene a o Israele.

Yeremiya 39:4

Zedekiya mwene a o Yuda ni akhotwaaye yawoonilliiwa yaathawa m'muzindani mahiiyu oweella m'matani mwa mwene ovirella va mullako wa variyari va esiri piilli nave yathawenlle o Araba.

2 Mamwene 25:4

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

2 Mamwene 25:12

Koma ahaahiya athu amodda oohoowesesa a mwiillaponimmo wi ellimeke emata ddampesa ni emata ddimodda.

Yeremiya 41:11

Yohanani mwaana a Kareya, oohoollella a akhoto, iiwalle ddoonanara nnddo Ishmaele mwaana a Netaniya eerilleeye,

Yeremiya 43:6

Athwaayo yaari allopwana, atthiyana, anamwani, anamwani aatthiyana a mwene ni athu attheene ayo Nebuzaradani, oohoollella a akhoto, aahiyalleeye wa Gedaliya mwaana a Ahikamu, edduullu ya Shafani. Yaamukusattho namallotella Yeremiya ni Baruki mwaana a Neriya.

Yeremiya 52:16

Koma ahaahiya athu amodda oohoowesesa a mwiillaponimmo wi ellimeke emata ddampesa ni emata ddimodda.

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Yeremiya 39:14

Nave yaamukusawo Yeremiya o nthato na alonda emuvelleella wa Gedaliya mwaana a Ahikamu, edduullu ya Shafani wi amuttaphulle ni omurumiha owaniwa. Sika Yeremiya aakhalla va abalaaye.

Yeremiya 41:1

Va mweeri waneetthanu ni piilli, Ishmaele mwaana a Netaniya, edduullu ya Elishama, a nibanja noomwene, mmodda mwa oohoollella enduna dda mwene, aaphiya ni athu khumi o Mizipa wa Gedaliya, mwaana a Ahikamu. Echaka nimodda wenko,

Yeremiya 41:10

Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.