Yeremiya 40:5 - Mawu a Mulluku

⁵ Waahiyaawo, ohokollweelle wa Gedaliya, mwaana a Ahikamu, mwaana a Shafani, oyo mwene a o Babiloni amutthoonlleeye wi akhalle oolamulella a mizinda dda Yuda. Wakhalle ni olliyooyo variyari va athu apaalle oye orive weko onapaalleewewo.” Vano oohoollella a alondoolle aamuvaha yoocha, aamuvahattho emphaso nave aamuhiya wi akhwaranyeke.

Yeremiya 40:5 ပူးပေါင်းရင်းမြစ်များ

Yeremiya 39:14

Nave yaamukusawo Yeremiya o nthato na alonda emuvelleella wa Gedaliya mwaana a Ahikamu, edduullu ya Shafani wi amuttaphulle ni omurumiha owaniwa. Sika Yeremiya aakhalla va abalaaye.

Yeremiya 41:2

Ishmaele mwaana a Netaniya ni athu khumi yaavenya emwiipha ni masupadiiwa Gedaliya, mwaana a Ahikamu, mwaana a Shafani, oyo mwene a o Babiloni amuhiyalleeye wi akhalle oolamulella ellapo.

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Mitteko 28:10

Yaaniriiha ni ddeko ddinchichi nave natimullalleehu voolendonooyo vakallawani, nahaakhella ddoopaalla ddahu.

Mitteko 27:43

Koma akhoto muullupalloolle apaalla amuvulluse Paulo, sika ahaahiiha wi eheere ddiiddo. Vano ahalamulella ayo yadduwella osambila wi elluphelle m'maaddinimmo wi yaphiye omutundaninko mwawaamba.

Mitteko 27:3

Osaka wene naaphiya o Sidoni nave Julio aamoonihella oreera murima Paulo voomwaakhullellani wi awoone akhwaaye wi yamuvahe ddoopaalla ddaye.

Yeremiya 40:4

Koma weyaano Yeremiya, ollello kinimuuttaphulla onyolo m'mattanimu. Hanko o Babiloni waarimi opaallaka nave kineerewuuwehera phaama. Koma waahipaallaka, kheviri ello. Ngoona, ellapo ettheene eri vamiitthoni vawo. Oye nko onooneewe wi tti waphaama.

Yeremiya 26:24

Koma Ahikamu mwaana a Shafani aamwaakihera Yeremiya sika khaavelleelliwe wi iiphiwe.

Yeremiya 15:11

Apwiya yaakaakhulla wi, “Ddawoona, kineerowaakihera wi ophwanye phaama. Ddawoona, adanaawo eneerewullapella va enthawi ya otulli ni ddoohoosa.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Yobu 22:29

Vawi Mulluku annaakitthiha awiitukhulla, koma annaavullusa awiiyeviha.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

2 Epilli 34:20

Vano mwene ahaalamula Hilikiya, Ahikamu mwaana a Shafani, Abidoni mwaana a Mika, Shafani namalembella ni Asaiya oorumeyella a mwene wi,

2 Mamwene 22:14

Sika mullupa mukutho Hilikiya, Ahikamu, Akibori, Shafani ni Asaiya yaaya wa namallotella aamutthiyana nnddina naye Hulida, mwaara Shalumu. Shalumu aari oosunga ddoowara ddoomwene nave aari mwaana a Tikiwa, mwaana a Harihashi. Hulida akhalla o Yerusalemu mu echigawo yanaanweene ya muzindooyo. Sika athwaalle ellotillena,

2 Mamwene 22:12

Vano aamulamula mullupa mukutho Hilikiya, Ahikamu mwaana a Shafani, namalembella, Akibori mwaana a Mikaya ni Asaiya oorumeyella a mwene wi,

Yeremiya 41:1

Va mweeri waneetthanu ni piilli, Ishmaele mwaana a Netaniya, edduullu ya Elishama, a nibanja noomwene, mmodda mwa oohoollella enduna dda mwene, aaphiya ni athu khumi o Mizipa wa Gedaliya, mwaana a Ahikamu. Echaka nimodda wenko,

Yeremiya 41:18

ekaamba yoowoova Ababiloni. Yaanoova ekaamba yawi Ishmaele mwaana a Netaniya, aamwiipha Gedaliya mwaana a Ahikamu oyo mwene a o Babiloni amuhiyalleeye wi akhalle oolamulella.