Yeremiya 40:13 - Mawu a Mulluku

¹³ Nllapo nimodda Yohanani mwaana a Kareya ni oohoollella akhoto yiipitthalle, yaaya wa Gedaliya o Mizipa.

Yeremiya 40:13 ပူးပေါင်းရင်းမြစ်များ

Yeremiya 42:1

Vano oohoollella attheene a akhoto ni Yohanani mwaana a Kareya, Azariya mwaana a Hoshaya ni athu attheene, uullupalli ni ang'onong'ono yaaya wa namallotella Yeremiya emulleella wi,

Yeremiya 40:8

Sika athu yaawiille wa olliye o Mizipa yaari Ishmaele mwaana a Netaniya, Yohanani ni Yonatani anamwani a Kareya, Seraya mwaana a Tanihumeti, anamwani aallopwana a Efayi o Netofa ni Yezaniya mwaana a Maaka, alliwaayo ni athwiiwa.

Yeremiya 40:12

Vano Ayuda attheenaayo yaawa ovenyera o ellapo ddittheddene yapallalleyelliiwawo. Yaawa o Yuda eddoonihella vamiitthoni wa Gedaliya o Mizipa. Nave emata ddiwa ddahimma ezipaso ddinchichi ni vinyo munchichi.

Yeremiya 40:14

Yaamukoha wi, “Ethiyo munnadduwella wi Baalisi mwene a Aamoni oomuruma Ishmaele mwaana a Netaniya wi awiipheni?” Koma Gedaliya mwaana a Ahikamu khaakhulupililalle.

Yeremiya 41:1

Va mweeri waneetthanu ni piilli, Ishmaele mwaana a Netaniya, edduullu ya Elishama, a nibanja noomwene, mmodda mwa oohoollella enduna dda mwene, aaphiya ni athu khumi o Mizipa wa Gedaliya, mwaana a Ahikamu. Echaka nimodda wenko,