Yeremiya 40:11 - Mawu a Mulluku

¹¹ Ayuda a o Mowabu, a o Amoni ni a o Edomu ni a o ellapo ddimodda, alliwattho yahiiwa wi mwene a o Babiloni ahaahiyawo athu amodda o Yuda nave wi ahaahiyera Gedaleya mwaana a Ahakimu, edduullu ya Shafani, akhalle awaalamulella.

Yeremiya 40:11 ပူးပေါင်းရင်းမြစ်များ

Yesaya 16:4

Oothawa ekhoto a o Mowabu ekhalleke variyari vanyu. Mukhalle voovulluwella viwa wa awoonongoolle.” Enthawi enimawa yawi ohoosiwa khokhallavottho, woononga oneeromalla nave oyo aachella matthu va muru aneerovenyamo mwiillaponimmo.

Ezekiele 35:15

Moollikana ni mmo mwahakallallelleenyu ni omora yoohallana ya enyumba ya Israele, miyaano kineeroweerellani emoddamoddave yeeyo. We mwaango wa Seiri ni ellapo ettheene ya Edomu oneerotthattuwa ntepe. Vano athu attheene eneerodduwella wi mi tti Apwiya Mulluku.”

Ezekiele 35:5

“Mwaari adani a Israele enthawi ettheene nave mwaanaakhullella wi athwaaye yiiphiweke va enthawi ya ddookatamiha ddiwa, va enthawi ya ollakiwa wiwa wookomihera.

Ezekiele 25:12

“Mi Apwiya Mulluku kinallota wi, ‘Ekaamba yawi Edomu aamuhokollosella ddoonanara mweekuku Yuda, aachimwa wunchichi.

Ezekiele 25:8

“Mi Apwiya Mulluku kinallota wi, ‘Ekaamba yawi Mowabu aallota wi Yuda ari wonanko athu a mitundu ddittheddene,

Ezekiele 25:6

Mi Apwiya Mulluku kinallota wi, ‘Mwahoopa m'mattani ni olluphallupha moohakallalla nave mwaanyemulla ellapo ya Israele ni murimaanyu muttheene.

Ezekiele 25:2

“We mwaana a muthu, rukunuwa owehe wa Aamoni, ollalleye mowaahumullulla.

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Ezekiele 5:3

Okusewo meehi vang'ono ominikelle mu mukanjwaawo.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

1 Samuele 12:12

Vano moonilleenyu wi Nahashi, mwene Aamoni aawa wi awane ni nyuwaano nave mwaakilleella wi ‘Iyaayi koma mwene sika anaanilamulelle.’ Koma ovenyera khalle amwenaanyu yaari Apwiya Mullukwaanyu.

1 Samuele 11:1

Viviralle mweeri mmodda, Nahashi mwene Aamoni ahaakusa akhotwaaye aya aapheella muzinda wa Yabeshi echigawo ya Giliyadi. Vano athu attheene a m'muzindani wa Yabeshi yaamuveka Nahashooyo wi, “Hankoni nipangane nave hiyaano nineerekewuurumeyellani.”

Numeri 25:1

Aisraele eri o Shitimu, allopwana yahaamba oraruwa ni atthiyana a o Mowabu.

Numeri 22:1

Aisraele yaavenya eya yatthipella misasa ddiwa mu ntapo na Mowabu okhopella wa muhinje wa Yordani, o Yeriko.

Genesis 36:8

Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Yeremiya 41:10

Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.

Yeremiya 43:5

Sika Yohanani mwaana a Kareya ni oohoollella a akhoto yahaakusa athu attheene oohalla o Yuda ni ayo yahokollowille ovenyera o ellapo yapallalleyelliiwawo.

Ezekiele 34:6

Enkhosa ddaka ddaapallalleya ddineeteeta omiyaangoni ni o asimiyaango oorekama. Ddaapallalleyella mwiillaponi ddittheddene oohikhallavo mmodda ooddithwara apaalle oddaashaasha.’

Yeremiya 43:6

Athwaayo yaari allopwana, atthiyana, anamwani, anamwani aatthiyana a mwene ni athu attheene ayo Nebuzaradani, oohoollella a akhoto, aahiyalleeye wa Gedaliya mwaana a Ahikamu, edduullu ya Shafani. Yaamukusattho namallotella Yeremiya ni Baruki mwaana a Neriya.