Yeremiya 4:9 - Mawu a Mulluku

⁹ Apwiya enallota wi, “Va nllapo nenno mwene ni enduna ddaye, attheene eneerotathilla murima. Allupa mukutho erurumuwa nave anamallotella eneerottikhina.”

Yeremiya 4:9 ပူးပေါင်းရင်းမြစ်များ

Mitteko 13:41

‘Nyu athu oovevulla! Ttikhinani nave moonongeye! Vawi ollello kineereweera ello emodda yawi khamukhulupilila vawiiwani!’ ”

Yeremiya 52:7

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Yeremiya 37:19

Ethiyo eri wuuwi anamallotellaanyu alle yuullotenlleni wi mwene a o Babiloni khawa uuhellani ekhoto nyuwaano ni ellapwaanyu?

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 19:16

Nllapo nenno Aiguputo enaakhalle wonanko atthiyana. Eneerotthukumella ni woova voowoonani Apwiya Amasiva Mattheene ettaphurusaka nnatta wi yaallake.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Masalimo 102:4

Murimaaka wootulliwa wonanko manasi nave woonyaalla wawi kinnatiwalla ocha yoochaaka.

2 Mamwene 25:4

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Yeremiya 48:41

Mizinda ddineerophariwa nave mipanda ddineerewaakhiwa. Nllapo nenno mirima ddoollipa o Mowabu ddineerotthukumella wonanko mutthiyana vooyarani.

Yesaya 28:19

Erive enthawi vawooneyani oneerowiiphani. Nave woononganko onaaphiyeke orive ohinase, otthaana ni mahiiyu. Sika athu yiiwesesa othengoolla eneerewoova wunchichi.

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Yeremiya 25:34

Nyu abusa, inllani wunchichi ni okhuwa mwamasiva. Nyu oohoollella a athwaaka, ihelleni ntuura. Enthawaanyu yawiiphiwa yoophiya nave muneeropwesiwa ni omwaramwariwa wonanko epalli yoowallamella mutengo.