Yeremiya 4:8 - Mawu a Mulluku

⁸ Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yeremiya 4:8 ပူးပေါင်းရင်းမြစ်များ

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Ezekiele 30:2

“We mwaana a muthu, ollotelle nave ollalleye wi nnddo ddinallota Apwiya Mulluku tti ddawi nllapo nootulli noophiya!

Ezekiele 21:12

Winlle nave okhuwe vawi ddittheddenenndda ddineerewaamorella athwaaka, ddineerewaamorellattho oohoollella a Aisraele, eneerewiiphiwa ni nsupada vamodda ni athwaaka. Ekaamba ya yeella odduukuthe vathirimani moomoriwa ethakaraka.

Yeremiya 48:20

Alliwa eneerewaakhulla wi, ‘Mowabu oomwareya, oowullihiwa muru, mwinllelleni mookhuwa. Llalleyani o muhinje wa Arinoni wi Mowabu ootthattuwa ntepe!’

Yeremiya 30:24

Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 9:21

Amanase ni Aefuremu enawana amoddamoddave navettho eellaalla vamodda enawana ni Yuda. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yesaya 9:17

Ekaamba ya yeella Apwiya khewa ehakallalla ni asombwe nave kheyaamoriwella ethakaraka akhwaadduni ni anamukhwelle, vawi arive muthu khanapwatha dda Mulluku, tti oochimwa nave anallota ddoonanara. Komave osha murima wa Apwiya khonaamallelle. Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Masalimo 78:49

Ahaamorihella munllo woowalli, ahaananariwella aashella murima, aamorihella mu ddookatamiha. Ddenndda ddaari wonanko mulloko wa angelo awoononga.

Numeri 25:4

Vano Apwiya yaamulleella Mose wi, “Waakuse oohoollella a Aisraele nave owiiphe vamiitthoni vaka nndduwa noopaka wi kihiye waashella murima.”

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yeremiya 25:34

Nyu abusa, inllani wunchichi ni okhuwa mwamasiva. Nyu oohoollella a athwaaka, ihelleni ntuura. Enthawaanyu yawiiphiwa yoophiya nave muneeropwesiwa ni omwaramwariwa wonanko epalli yoowallamella mutengo.

Mika 1:16

Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”