Yeremiya 4:7 - Mawu a Mulluku

⁷ Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 4:7 ပူးပေါင်းရင်းမြစ်များ

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Daniele 7:4

Yawaamba yaari wonanko mukango koma yaakhalla ni muuphello wonanko echiwombankhanga. Miyaano kiwehaka, muuphellwaaye yahuudduwa nave yookumeeyo yahiimesiwa ni manyallo meelli wonanko muthu nave yaavahiwa ezeru wonanko muthu.”

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yeremiya 26:9

Kaambiiwa tini ollotenlleewe mu nnddina na Apwiya wi enyumba ella eneerewoonongiwa wonanko Shilo ni wi muzindoolla oneerotthattuwa ntepe, moohikhalla athu?” Sika athu attheene yaatthukumana emwaapheella Yeremiya mu enyumba ya Apwiya.

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Yesaya 5:9

Kohiiwa Apwiya Amasiva Mattheene ellupellaka wi, “Ddawoona, enyumba ddinchichinnddo ddineerotthattuwa matepe, enyumba dduullupalli ddooreeranddo khamukhallaka athu.

2 Mamwene 24:1

Mu enthawi ya Yehoyakimu, Nebukadinezara mwene a o Babiloni aahella ekhoto ellapo ya Yuda nave Yehoyakimu aawatiheriwa omurumeyella wa miyakha miraru. Koma vatulli viwa aamuwukila Nebukadinezara.

Daniele 5:19

Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.

Yeremiya 50:44

“Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Ababiloni woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Yeremiya 27:8

“Koma orive mutundu wa athu apaalle erive ellapo yakhoota omurumeyella Nebukadinezara mwene a o Babiloni apaalle waakhullella nigoli naye, kineerewaallaka ni ekhoto, ettalla ni mullilli ophiyera kaavelleellille attheene m'mattani mwaye.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

2 Mamwene 25:1

Va muyakha waneetthanu ni sese wa omwene wa Zedekiya, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

Yeremiya 4:29

Arive muthu aneerothawa vawiiwani onyakulla wa akhoto oowella va akavalo ni oovokha mipaamba. Amodda eneerothawella muutthakoni, amodda ewella m'mallukuni. Mizinda ddittheddene ddineerohiyiwa, khamukhalla naari mmodda.

Yeremiya 22:7

Kineerewaaruma athu wi ewoononge, arive muthu ari ni ezida ddaye. Eneerewuuha mikunguza ddawo ddaphaama nave eneeroddivokhella viikho.

Yeremiya 44:2

“Apwiya Amasiva Mattheene, Mulluku a Israele, enallota wi, ‘Mohoona ddawoopiha nnddo kamorihelleemi va Yerusalemu ni mizinda ddittheddene dda o Yuda. Vano ddittheddenennddo ddootthattuwa ntepe, khamunakhalla athu.’

Ezekiele 12:20

Mizinda dda athu ddineerewoonongiwa nave ellapo eneerotthattuwa ntepe. Sika muneerodduwella wi mi tti Apwiya.”

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.

Ezekiele 32:2

“We mwaana a muthu, omwiipelle nchipo na maliro mwene Farao a o Iguputo. Omwiipelle nchipo nawi, ‘Weyaano onnaddeesa mukango variyari va mitundu dda athu koma tti wonanko ekonya ya m'maaddini. Onneeta m'muhinjeni mwawo, onnuunttuwanyera maaddi ni manyallwaawo nave oonnaripiha mihinje.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 22:6

Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.