Yeremiya 4:6 - Mawu a Mulluku

⁶ Tukhullani embendera o Ziyoni, Muhinaselliwa, thawani wi muvulluwe. Mi Apwiya kinimawa ni yoonanara yoovenyera ompoto, oneerokhalla woonongeya wawoopiha.

Yeremiya 4:6 ပူးပေါင်းရင်းမြစ်များ

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 51:27

“Imesani embendera veellaponi nave opani nipallapata wi mitundu dda athu ddiwe. Ithanani mitundu dda athu ddittheddene wi ddimuhelle ekhoto Babiloni. Ithananittho moomwene a o Ararati, a o Mini ni o a o Ashikenazi. Mutthoolleni oohoollella ekhoto wi awane ni Babiloni. Muweena akavalo anchichi wonanko nazombe.

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yeremiya 4:21

Kinaakhallelle woona embendela yeekhoto ni wiiwa nipallapata ophiyera niini?

Yesaya 62:10

Khumellani, khumellani vamullakonimvo, apotokoselleni ettilla athu! Llimani, llimani musewu, venyihanimoni malluku, imesani embendela wi mitundu dda athu ddooneke.

Zefaniya 1:10

Apwiya enallota wi, “Va nllapo nenno winlla wuullupalli oneerewiiweya o mullako wa Musika Weehomba, ekutho yuullupalli oneerewiiweya o echigawo ya variyari va muzinda wa Yerusalemu, oneerowiiweyattho okhuwa wa okumuwa ovenyera o asimiyaango.

Yeremiya 51:54

Apwiya enallota wi, “Ngiiwani winlla ovenyera o Babiloni, onyakulla wa woonongeya wuullupalli wa ellapo ya Ababiloni.

Yeremiya 50:22

Okhuwa weekhoto onniiweya navettho vookhalla woononga wuullupalli.

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”

Yeremiya 18:11

Khawe vano waalleelle athu a o Yuda ni a o Yerusalemu wi Apwiya enallota wi, ‘Mi kookhozekella wuumorihellani otulli ni wuullakani. Nyu attheene, hokollowani, arive muthu ahiye ettilla ddaye. Nave potokosani makhallellwaanyu ni ddaweera ddanyu.’

Yeremiya 22:7

Kineerewaaruma athu wi ewoononge, arive muthu ari ni ezida ddaye. Eneerewuuha mikunguza ddawo ddaphaama nave eneeroddivokhella viikho.

Zekariya 6:6

“Nigareta na akavalo ooripa ninaya ompoto, na akavalo aweella ninaya woovollowa nndduwa nave na akavalo amankhaanga oosiripa ninaya omwera.

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Ezekiele 9:1

Vano Apwiya yaakillotella owaruni mookhuwa wi, “Nyu oollaka muzindoolla, susellani vakhuviru. Arive muthu akuse echidaaye yawoonongella.”

Ezekiele 9:2

Vano kaawoona athu atthanu ni mmodda ephiyaka ovenyera o mullako woomwaako wa enyumba ya Mulluku, ompoto, arive muthu akusalle echidaaye yakhoto. Mwa alliwaayo vaakhalla muthu mmodda oowara bafuta akusalle yoolembella. Attheenaayo yahiimella vakhwipi va nikuwa namukoko.