Yeremiya 4:30 - Mawu a Mulluku

³⁰ We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Yeremiya 4:30 ပူးပေါင်းရင်းမြစ်များ

2 Mamwene 9:30

Yehu aphiyalle o Yezireele, Yezebele ahiiwa nnddo ddeereyille. Nave aamara miitthwaaye ni otooto, alluwa meehaaye, anatthurumella va niwindo.

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Ezekiele 28:13

Waari wonanko o Edeni, emata ya Mulluku. Waaniireeriha ni malluku oowallamella mutengo a mitundu ddittheddene, karineliyoni, topazi, jasipere, kirisoliti, berili, onikisi, safiro, rubi ni emeradi. Ddoohiyamo malluku ddaari dda golide. Yahuupangella ddittheddenennddo nllapo nno waphatusiweewe.

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yesaya 20:6

Nllapo nenno athu ookhalla mukhwipi mwa enyanja eneerollota wi, ‘Ngoonani nnddo ddiweereyelle alle naatiyereehu ni othawellawo wi enikavihere ni onivullusa wa mwene a o Asiriya. Vano ninaavulluwe mwawiidde?’ ”

Yawuupullulla 17:13

Mamwene mattheenaalla eneerewiiwanana wi evelleelle masiviiwa vamodda ni olamulellwiiwa wa enama yuullupaalli yawoopiha.

Yawuupullulla 17:4

Mutthiyana oyo awanre ddoowara ddabululu ni ddooreera ddoofiira, ahiikhuneella ni ddooreeriha dda golide ni dda malluku oowallamella mutengo ddoohiyanahiyana. M'mattani mwaye amupharelle kapu a golide ooddalla ni ddoonanara ni ddawunkha dda mitteko ddaye ddooraruwannddo.

Yawuupullulla 17:2

Mamwene a va ellapo yavatthi yaararuwana mutthiyanoolla nave athu a va ellapo yavatthi yaalezelana vinyo a oraruwa wayenko.”

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Ezekiele 28:9

Ethiyo oneerovirellellave ollota wi weyaano tti wonanko mulluku vamiitthoni va athu enawiiphaayo. Iyaayi, oneerewooneya wonanko muthu ohiri mulluku wakhalla m'mattani mwa athu oowoonongaayo.

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Miyambo 6:25

Ohikuseyeke murima ni oreera waye, ohikopeyeke ni miitthwaaye.

Miyambo 7:10

Vano mutthiyana aakumana ni olliye, awanre wonanko hule ari ni yoolinga.

Yeremiya 22:23

Nyu mwakhalla o Lebanoni, mwamakille enyumba ddamikunguza, muneerewiipullella wunchichi vawuumorellani ddoovoreya wonanko mutthiyana vooyarani.”

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Obadiya 1:7

awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”