Yeremiya 4:29 - Mawu a Mulluku

²⁹ Arive muthu aneerothawa vawiiwani onyakulla wa akhoto oowella va akavalo ni oovokha mipaamba. Amodda eneerothawella muutthakoni, amodda ewella m'mallukuni. Mizinda ddittheddene ddineerohiyiwa, khamukhalla naari mmodda.

Yeremiya 4:29 ပူးပေါင်းရင်းမြစ်များ

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Luka 23:30

Enthawi yeeyo Athu eneerollota wa miyaango wi ‘Nimorelleni!’ Eneerollota wa asimiyaango wi ‘Niphitteereni!’

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

Yeremiya 52:7

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Yesaya 30:17

Athu 1,000 mwa nyuwaano eneerothawa voomoonani mudani mmodda. Akhoto atthanuve eneerokwakhwanella owiikarihani attheenenyu. Oohalla mwa nyuwaano eneerokhalla wonanko muteekho wa embendera ya va mwanamwaango wonanko echizindikiro ya va mwaango.

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

1 Samuele 13:6

Aisraele yoonilliiwa wi aapaneya vawi yaananyingallelliwa wunchichi, yaaya yiipittha m'makhunguni, m'mallitini, m'mallukuni, m'mitthipiddani ni mwiihimeni.

Yesaya 6:12

Kineerewaatthaamihella athu woorekama nave matepe eneerewaata mwiillaponi.

Yeremiya 6:23

Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.