Yeremiya 4:28 - Mawu a Mulluku

²⁸ Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Yeremiya 4:28 ပူးပေါင်းရင်းမြစ်များ

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yesaya 50:3

Miyaano ttuukhuneella oddullu ni epiphi, otthattusawo wonanko ekuwo yooripa yanaamukhwelle.”

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Yawuupullulla 6:12

Nave kaamoona mwaanaankhosa amarullaka yoomarella yaneetthanu ni emodda. Vaakhalla echivomerezi yuullupalli nave nndduwa naathiima wonanko ekuwo yooripa ya naamukhwelle nave mweeri muttheene waatthattuwa okhalla woofiira wonanko nikhame.

Aheberi 7:21

Koma Yesu avolloweeye wi akhalle mullupa mukutho Mulluku aallupella wi, “Mi Apwiya kaallupella ngisintha maganizwaaka awi, ‘Weyaano tti mullupa mukutho wa enthawi yoohimalla.’ ”

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

Luka 23:44

Waambeella 12 koloko otthaana ophiyera 3 koloko waakhalla epiphi mu ellapo ettheene vawi nndduwa naathiima.

Mariko 15:33

Waambeella 12 koloko otthaana ophiyera 3 koloko waakhalla epiphi mu ellapo ettheene.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Yowele 1:10

M'matani mohoonongeya ethaya eniminlla, vawi tirigu ohoonongeya vinyo oolepheleya, miteekho dda olivi ddohumma.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Ezekiele 24:14

Mi Apwiya koollota ddenndda. Ddinimawa nave kineeroddeera. Ngihokollweella mutulli. Nguuhiya nave nguukhululukella. Kineerewuullaka voothwarani makhallellwaawo ni ddaweera ddawo. Mi Apwiya Mulluku koollota.”

Yeremiya 30:24

Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.

Yeremiya 23:20

Owalli wa Apwiya oneerovirellella ophiyera yeerille ddittheddene nnddo yasimikinziiwa m'murimani mwiwa. Nave muneeroddidduwella phaama ddenndda mallapo amuhoollo.”

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Yeremiya 12:11

Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Yesaya 34:4

Nndduwa, mweeri ni etheneeri ddineeronyenyeya nave oddullu waavenyihiwavo wonanko mwinlli woovillikiwa. Etheneeri ddineerovakareya wonanko makukhu a mpesa apaalle namukuyu.

Yesaya 24:4

Ellapo eniminlla ni onyaalla. Ellapo ettheene yavatthi enimahoowa ni wumma nave athu oovuwa a va ellapo yavatthi aafooka.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Zekariya 8:14

Apwiya Amasiva Mattheene eni, “Valle kaasimikiza wi kiwoonongeni ekaamba yawi makhollwaanyu yaakishiha murima nave Ngaapanlle waamorella ethakaraka.