Yeremiya 4:27 - Mawu a Mulluku

²⁷ Apwiya aallota wi ellapo yavatthi ettheene eneerotthattuwa echipululu komave kheyikokholla.

Yeremiya 4:27 ပူးပေါင်းရင်းမြစ်များ

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Yeremiya 5:18

Apwiya enallota wi, “Koma naari mallapo yaayo nguukokhollani.

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Ezekiele 11:13

Killotellaka, Pelatiya mwaana a Benaya aakhwa. Vano kahiimoriha moopopheya ekhove vatthi kikhuwa wi, “Nyu Apwiya Mulluku, ethiyo munapaalla wi mwaamallihe Aisraele attheene oohalla?”

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Ezekiele 33:28

Ellapweeyo kineeroyitthattusa ntthalla ni echipululu. Masiva awiitukhullella eneeromalla. Miyaango dda o Israele ddineerotthattuwa nihaka, muthu khawa aviramo.

Ezekiele 6:14

Sika kineerowoononga ni muwonwaaka nave ellapwiiwa ettheene kineeroyitthattusa otthako ni ntepe, ovenyera o chipululu ophiya o muzinda wa Ribula. Vano eneerodduwella wi mi tti Apwiya.”

Yeremiya 18:16

Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yesaya 24:1

Ddawoona, Apwiya eneerewoononga ellapo yavatthi ni oyitthattusa echipululu nave eneeroyinyenyanyenya ni waamwara athu attheene.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Nehemiya 9:31

Naari ddaari ddiiddo, ekaamba ya echifundwaanyu yuullupalli khemwaawoonongille apaalle waahiya vawi nyuwaano tti Mulluku aphaama ni eechifundo.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Ezekiele 20:17

“Koma kahaamoriwella ethakaraka nave ngaawoonongille ni waatthollosa muchipululuni.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Yesaya 17:6

Ooyevave sika enaahallewo wonanko vootikhani muteekho wa olivi vawi ddinnahallavo ezipaso piilli apaalle ddiraru va enthambi ddamuddullu apaallettho ddisese apaalle dditthanu va enthambi ddavatthi. Mi Apwiya Mulluku a Israele koollota.”

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”