Yeremiya 4:24 - Mawu a Mulluku

²⁴ Kaaweha miyaango nave ddaanatikheya, asimiyaango yaanatthukumella.

Yeremiya 4:24 ပူးပေါင်းရင်းမြစ်များ

Ezekiele 38:20

Ehomba ni epallame, enama ddamuhakani ni ddawaapadda ddittheddene vamodda ni athu attheene ookhalla mu ellapo yavatthi ddineerotthukumella vamiitthoni vaka. Miyaango ddineeromora, mapuro ooserereya owaaka esiri ddittheddene ddineerokumuwa.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Mika 1:4

Vano miyaango ddineerottotthowa vatthi va olliye wonanko onyoma vamunlloni, ddineneereweetellella mutapo wonanko maaddi a m'mwaangoni.

Masalimo 97:4

Ettariiwa ennawaliha ellapo yavatthi, ellapo ettheene ennoona nave ennatikheya.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

1 Mamwene 19:11

Vaavo Apwiya yahaakhulla wi, “Khuma wiimelle vamiitthoni vaka, vamwaangoni.” Ngoonani, Apwiya yaaviravo nave ephevo yamasiva yahoopa etthalla miyaango ni opwesa malluku koma Apwiya kheyaarimo mwiiphevonimmo. Eviralle ephevo, vaamora echivomezi koma Apwiya kheyaarimottho mu echivomezimmo.

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Yawuupullulla 6:14

Oddullu waavenyihiwavo wonanko mwinlli woovillikiwa nave orive mwaango ni echilumba ddaavenyihiwa m'mapuroni mwiwa.

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yesaya 13:13

Sika kineerotikha muddullu nave ellapo yavatthi eneerosusa vanipuroni viwa ekaamba ya owalli wa mi Apwiya Amasiva Mattheene va nllapo na osha murima waka wawoopiha.

Yesaya 24:20

Ellapo yavatthi eneerohahareya wonanko oolezela, eneerotikheya wonanko musasa enthawi ya ephevo yawoopiha. Ellapo yavatthi yoollemelliwa ni ddoonanara ddiwa, eneeromora nave khevenyattho.