Yeremiya 4:23 - Mawu a Mulluku

²³ Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Yeremiya 4:23 ပူးပေါင်းရင်းမြစ်များ

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Genesis 1:2

Ellapo yavatthi kheyaari ni erive ello. Nave epiphi yaakhuneella enyanja yoowallamella navettho Munepa a Mulluku aaneeteeta vaddullu va maaddaayo.

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Yowele 2:10

Ellapo yavatthi ennatikheya alliwa yaawaatamellaka. Oddullu onnatthukumella, nndduwa ni mweeri ddinnathiima, etheneeri ddinnahiya owala.

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Mateyu 24:35

Oddullu ni ellapo yavatthi ddineeromalla koma mawaaka khemalla.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 2:12

Nyu eddullu, ttikhinani ni ddenndda, tthukumellani mwawoova wunchichi, mi Apwiya koollota.

Maliro 3:2

Aakikakhella ni okivollochiha mwiipiphini moohiwala naari vang'ono.

Zekariya 14:6

Nllapo nenno khoriirya apaalle khokhalla nakhuttu.