Yeremiya 4:22 - Mawu a Mulluku

²² Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 4:22 ပူးပေါင်းရင်းမြစ်များ

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Aroma 16:19

Arive muthu ahiiwa dda wiiwellella wanyu wa othenga waphaama. Sika ekaamba ya yeella munnakihakallalliha. Kinapaalla wi mukhalle oodduwella dda ddeko ddaphaama nave ooheera ddoonanara.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Aroma 3:11

khaavo muthu aniiwesesa khaavo muthu anamwaashaasha Mulluku.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Aroma 1:22

Alliwaayo enaddeesa tti athu eezeru koma tti ookarangeya.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Mika 2:1

Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

Deuteronomo 32:28

“Aisraele tti mutundu wooheeruzeya, khenadduwella ello.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Yeremiya 13:23

Ethiyo Mkushi ttuusintha mooneyello a mwiillaaye apaalle nanthavi mankhaangaaye? Sika wi nyu ooddollweella ochimwanyu ttuuwora mwawiidde weera ddaphaama?

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Yeremiya 5:4

Sika kaallota wi, “Alla tti ohoowa, khenna naari ezeru, khenadduwella ettilla ya Apwiya, kheniiwesesa nnddo Mullukwiiwa anapaalleeye.

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

2 Samuele 13:3

Koma Aminoni aakhalla ni mukhwaaye, nnddina naye Yonadabu, mwaana a Shimea, mwanamunne a Davide. Yonadabooyo aari muthu oochenjera wunchichi.

Masalimo 36:3

Mawu avayanoni vaye tti oonanara nave oolleka, khaneerattho ddeezeru apaalle ddaphaama.

Masalimo 53:4

Ethiyo oonanaraalla kheniiwesesa? Ennaamirya athwaaka wonanko yoocha, khenamullapella Mulluku.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 4:21

Kinaakhallelle woona embendela yeekhoto ni wiiwa nipallapata ophiyera niini?

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Ezekiele 16:30

Apwiya Mulluku enallota wi, “Murimaawo tti woofooka wunchichi ekaamba yawi vaweerani ddenndda wonanko mutthiyana ooraruwa oohiwulliwa muru.

Amosi 3:10

Khenadduwella weera echilungamo, yoodduukellella eyuuma oweella mu waakha ni wiiya.” Mi Apwiya koollota.

Genesis 39:16

Nave mukanjooyo aawusunga m'mattani ophiyera pwiya a Yosefe awiille.

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yeremiya 9:5

Arive muthu anamoottottha mukhwaaye, khanallota ddawoona. Eyano ddiwa yaaddiddollweelliha woottha, ennaddivelliwa wunchichi ddoonanara sika wi kheworattho olapa.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.