Yeremiya 4:21 - Mawu a Mulluku

²¹ Kinaakhallelle woona embendela yeekhoto ni wiiwa nipallapata ophiyera niini?

Yeremiya 4:21 ပူးပေါင်းရင်းမြစ်များ

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

2 Epilli 36:3

Vatulli viwa mwene a o Iguputo aamuvenyihella omwenaaye o Yerusalemunko nave yaakhomiha ellapweeyo musonkho wa siliva oollemella makilogramu 3,400 ni golide makilogramu 34.

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 42:14

‘Iyaayi, ninaya o Iguputo wenko, woohikhalla ekhoto, woohiiweya winlla wa nipallapata ni woohirama yoocha wi nakhalle wenko.’