Yeremiya 4:19 - Mawu a Mulluku

¹⁹ Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Yeremiya 4:19 ပူးပေါင်းရင်းမြစ်များ

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Yesaya 16:11

Sika murimaaka oninlla wunchichi omwinllella Mowabu nave kinniipullella ekaamba ya woonongeya wa Kiriheresi.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

Agalatiya 4:19

Anaaka, kinnoonattho ovoreya woophwanaphwana ni ovoreya wa mutthiyana aayaraka ekaamba ya nyuwaano ophiyera makhallello a Khrisitu ekeraattheye mwa nyuwaano.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 7:15

Mi Daniele, kaakatamiheya m'maganizoni mwaka nave nnddo koonilleemi m'masomphenya ddaakoopiha.

Yesaya 15:5

Murimaaka onamwinllella Mowabu. Athwaaye ethawenlle ekhoto o Zowari ni o Egilati Shelishiya. Eneeta yinllaka o mutunda wa o Luhiti, eninlla mookusa murima va musewu wooya o Horonaimu.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Aroma 10:1

Asinnaka ni arokoraka, kinnapaalla ni murimaaka muttheene nave kinnavekella wi athwaaka evullusiwe.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Yeremiya 23:9

Ekaamba ya anamallotella, murimaaka woophweeya, masiva aakimallella. Kiri wonanko muthu oolezela, muthu oovirikanyiheya ni vinyo ekaamba ya Apwiya ni mawiiwa aweella.

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 4:21

Kinaakhallelle woona embendela yeekhoto ni wiiwa nipallapata ophiyera niini?

Yeremiya 4:5

Llalleya o Yuda ni o Yerusalemu wi, “Opani nipallapata mu ellapo ettheene nave mukhuwelle wi, ‘Tthukumanani niye o muzinda ddoollipa.’

Masalimo 146:1

Aleluya! We murimaaka, atitimihe Apwiya.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Masalimo 119:53

Kinnasha murima wunchichi ekaamba ya oonanara ayo ehinathwara malamulwaanyu.

Masalimo 103:1

We murimaaka, atitimihe Apwiya, okumaaka muttheene riiha nnddina niwa naweella.

Masalimo 16:2

Kinnaalleella Apwiya wi, “Nyu tti Apwiyaaka, nginna yaphaama koma nyeeneve.

Oweeruza 5:21

Maaddi oosefukella a muhinje wa Kishoni, yahaakwakwadda attheene, maaddi oothamaka, maaddi amasiva a muhinje wa Kishoni. Murimaaka llipihella, eta mwamasiva!”

Numeri 10:9

Mwaayaaka woowana ekhoto mwiillaponi mwanyu ni adanaanyu ayo enuuhoosani, enthawi yeeyo mwiipe mapallapata wi Apwiya Mullukwaanyu kiwuupuwellekeni nave muneerovullusiwa wa adanaanyu.

Genesis 49:6

Ngiwa kiiwanana ni ddoollota ddiwa ddavakhwipi, naari va mitthukumano ddiwa, ngiwa kaattanana, kaambiiwa yaawiipha athu moosha murima, nave yahaaphoriiha anankhoro a eng'ombe mwa ekuku, nave yahaatthattusa yoottheellana.

1 Akorinto 14:8

Nave ethiyo muthu anoopa nipallapata nakhoto oopa ddoohidduwanyeya, ttaani anaakhozekelle ekhotweeyo?

Yeremiya 6:24

A o Yerusalemu enaakhulla wi, “Nohiiwa epilliiwa nave masiva aanimallella. Ninimakhupanya ni wiiwa ovoreya wonanko wa mutthiyana vooyarani.

Yeremiya 8:21

Kinniiwa ovoreya ekaamba ya ddoohoosa dda athwaaka, kinninlla, ethakaraka ddookiphara.

Yeremiya 42:14

‘Iyaayi, ninaya o Iguputo wenko, woohikhalla ekhoto, woohiiweya winlla wa nipallapata ni woohirama yoocha wi nakhalle wenko.’

Yeremiya 49:2

Koma enthawi enimawa mvo kineeriheemi okhuwa wa ekhoto o Raba, muzinda muullupalli wa Amoni. Muzinda yoolla oneerotthattuwa ntepe noohikhalla ni athu nave mizi ddiwa ddineerewoosiwa. Sika Israele aneerowaakha adani ayo yamwaakhille ddaaye.

Yeremiya 50:22

Okhuwa weekhoto onniiweya navettho vookhalla woononga wuullupalli.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

2 Mamwene 4:19

Moorurumusa mwaanooyo ahinlla mookhuwa wa attiitthinnya wi, “Moowe, murwaaka! Murwaaka!” Attiitthinnyaalle yaamulleella mullupa muttekwiiwa wi, “Muvelleelle wa amennya.”

2 Mamwene 8:11

Eerille ddiiddo, Elisha aamuwehesesa Hazaele ophiyera aawulliwa muru. Vaavo Elisha ahaamba winlla.

Yesaya 21:4

Murimaaka onimathamaka, kinimatthukumella ni woova nave murendelle wamisikuwa kapaalleemi wootthattuwa yawoopiha.

Yeremiya 8:18

Okhupanya waka tti woohimalla, murimaaka woofooka.

Maliro 1:20

Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.