Yeremiya 4:18 - Mawu a Mulluku

¹⁸ Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 4:18 ပူးပေါင်းရင်းမြစ်များ

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Masalimo 107:17

Amodda yaavoriiwa ekaamba ya ettilla ddiwa ddoonanara, ehoosiwa ekaamba ya machimwiiwa.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Miyambo 1:31

Muneerocha ezipaso dda mitteko ddanyu nave muneerovona ddoonanara nnddo mwapaalleenyu oweerella amodda.

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 5:19

Nave athwaawo yaakohaka wi, ‘Kaambiiwa tini Apwiya Mullukwaahu eneerenlliiwa ddenndda?’ We Yeremiya owaakhulleke wi, ‘Moollikana ni mmo mwaahiyereenyu Apwiya ni ollapella milluku ddeelleto mwiillaponi mwanyu, emoddamoddave yeeyo muneerewaallapella athu a mu ellapo yeelleto.’ ”

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Yeremiya 5:25

Koma ddoonanara ddanyu ddoolepheliha ddittheddenenndda nave machimwaanyu aawiimanihani ddaphaama.

Ezekiele 39:24

Kaaweerella ddenndda ekaamba ya oripihiwa wiwa ni machimwiiwa nave kahaareya etulli.

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Yeremiya 14:16

Athu ayo yaallotenlliiwa eneerovokhelliwa m'misewuni dda mu Yerusalemu, ekhwille ni ekhoto apaalle ni ettalla. Alliwaayo, awariwa, aniiwa aallopwana ni aatthiyana, attheene eneerokhwa nave khavikhalla awaavittha. Kineerewaahokollosella ddoonanara.”

Maliro 3:15

Aakichiha ddoowaawa, aakiwiryiha tthuukwi.