Yeremiya 4:16 - Mawu a Mulluku

¹⁶ Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yeremiya 4:16 ပူးပေါင်းရင်းမြစ်များ

Ezekiele 21:22

Vano mu nnattanatta naye mookhalla mpaamba wa nikhanga woolembiwa Yerusalemu. Wenko mwene anallalleya dda owiipha athu navettho okhuwa wakhoto. Aneeropanga mutthipo wawunttakella machiwi, woophittella mikhuttu ddakhoto ni omaka nttattha.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yesaya 39:3

Vano namallotella Yesaya aaya wa mwene Hezekiya amukoha wi, “Ethiyo athwaalle yuulleelleni ddawiidde nave yavenyenre wuuwi?” Hezekiya ahaakhulla wi, “Yavenyenre o ellapo yawoorekama, o Babiloni.”

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 39:1

Va muyakha waneetthanu ni sese wa omwene wa Zedekiya o Yuda, mweeri waneekhumi, Nebukadinezara, mwene a o Babiloni, aawa ni akhotwaaye attheene o Yerusalemu nave aawaapheella muzindooyo.

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 6:18

Sika Apwiya yaallota wi, “Nyu mitundu dda athu, apellani maaru. Nyu mutthukumanne, dduwellani nnddo ddinaamorelle athwaaka.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yeremiya 4:17

Ennamwaapheella Yerusalemu wonanko alonda a emata kaambiiwa athwaaka aakiwukila.” Mi Apwiya aallota.

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yesaya 34:1

Nyu athu a mitundu ddittheddene, waani vakhuviru wi mwiiwe! Nyu athu, ellapo ni ddittheddene ddookhalla mwemmo, iwani!

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 6:23

Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”