Yeremiya 4:13 - Mawu a Mulluku

¹³ Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Yeremiya 4:13 ပူးပေါင်းရင်းမြစ်များ

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Yesaya 66:15

Vawi ngoonani, Apwiya eneeroowa ni munllo nave magaretiiwa eneerophiya wonanko ephevo namangalle. Alliwa eneerewooniha vaweella owalliiwa nave eneerewaallaka adaniiwa ni mallumi amunllo.

Habakuku 1:8

Akavalwiiwa tti oothamaka okhwaranya ananthavi, awoopiha okhwaranya mimbulu mu echipululu. Oowella va akavalo ennathamaka ovenyera wuuteete, ennaakuva ni okhwatthulla wonanko mpungu onaphara enama.

Maliro 4:19

Athu oonithwara manyallo yaari awaakuva, okhwaranya mipungu ddoovava muddullu. Yaaniikariha omiyaangoni, yaanniipitthella muchipululuni wi enisikite.

Yesaya 5:28

Mipaamba tti ddootthokowa nave miira ddiwa ddookhozeka. Manyallo a akavalwiiwa tti oollipa wonanko nlluku nave magaretiiwa tti oothamaka wunchichi wonanko ephevo ya namangalle.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Yesaya 13:5

Alliwa enavenyera o ellapo ddawoorekama, omamallihello wa ellapo. Sika Apwiya ni ezida ddiwa moosha murima wi yoononge ellapo yavatthi ettheene.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Daniele 7:4

Yawaamba yaari wonanko mukango koma yaakhalla ni muuphello wonanko echiwombankhanga. Miyaano kiwehaka, muuphellwaaye yahuudduwa nave yookumeeyo yahiimesiwa ni manyallo meelli wonanko muthu nave yaavahiwa ezeru wonanko muthu.”

Yeremiya 10:19

Arive muthu a o Yerusalemu aakhuwa wi, “Otulli, nikhwata naka tti nawoopiha! Nikhwata naka tti noomoriha ethakaraka, keesa wi nngu sika ollakiwa waka, sika kineerovillella.

2 Samuele 1:23

“Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

Yeremiya 4:12

Ella tti ephevo yamasiva manchichi yoovenyera wa mi Apwiya. Vano alla tti Apwiya enaweeruza athwiiwa.

Yeremiya 9:19

Ngiiwani winlla woovenyera o Ziyoni enallota wi, “Otulli, nohoonongeya! Noowulliwa muru wunchichi, Ninaphwanella nihiye ellapwaahu, kaambiiwa enyumba ddahu aaddikumulla.”

Yeremiya 49:22

Ngoonani, mutundu mmodda oneerovava ni omumorella Bozira wonanko mpungu ottaphurusalle muuphello. Nllapo nenno mirima dda akhoto a o Edomu ddineerotthukumella ni woova wonanko mutthiyana vooyarani.”

Ezekiele 26:10

Akavalwaaye awaata eneerewuuvuhella ni nthupi niwa. Mipanda ddawo ddineeroweengereya ni mukhito wa akavalo navettho ni onyakulla wa magudumu a magareta voovollowani va millako ddawo dda muzinda wookumulliwa.

Ezekiele 38:9

Vano weyaano ni mullokwaawo wakhoto ni mitundu ddinchichi dda athu ddiri ni weyaano, muneeroowa wonanko ephevo yawoopiha, muneerohuruwella ellapo ettheene wonanko murapo.

Daniele 11:40

Va enthawi yoomalliha mwene oomwera aneeromuhella ekhoto mwene oompoto. Koma mwene oompoto aneeromuthamakella moowalli wonanko ephevo yawoopiha ari ni magareta, athu oowella va akavalo ni esitima ddinchichi. Vano aneerovollowa mu ellapo ddinchichi ni waakwekweresa wonanko echigumula.

Mika 2:4

Nllapo nenno athu eneerewuunyemullani voowiipellani nchipo na maliro wi, ‘Otulli, nohoonongeya! Apwiya aanaakha ellapwaahu, ahaakawella ayo eniphanre okaporo.’

Yeremiya 6:23

Ekusalle miira ni mavaka, tti athu awumma murima nave khenna echifundo. Enanyakulla wonanko enyanja nave ewenlle va akavalwiiwa okhozekella owana ekhoto ni we Ziyoni.”

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Yeremiya 48:40

Apwiya enallota wi, “Mutundu mmodda oneeromvavella ni ommorella Mowabu wonanko mpungu ottaphurusalle muuphello.

Zekariya 6:1

Mu masomphenya mamodda kahoona magareta masese ekhumaka variyari va miyaango miilli ddamukuwa.