Yeremiya 4:10 - Mawu a Mulluku

¹⁰ Vano kaallota wi, “Ha, nyu Apwiya Mulluku, ddawoona, mohaalleka wunchichi athu yaalla ni Yerusalemu! Mwahaalonjeza wi eneerokhalla ni murendelle koma nsupada niri vanikohini viwa.”

Yeremiya 4:10 ပူးပေါင်းရင်းမြစ်များ

Yeremiya 5:12

Athu yohaakhoota Apwiya voollotani wi, “Apwiya kheneerella erive ello. Kheyiivo yoonanara enaanooneyelle, khaniwa noona ekhoto apaalle ettalla.”

Yesaya 37:35

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Aroma 1:26

Ekaamba yawi enneera ddenndda, Mulluku ohaahiya wi ethwareke minkhella ddiwa ddoowulliha muru. Naari atthiyaniiwa enakonana atthiyanave.

Aroma 1:24

Sika Mulluku ohaahiya athu yaalla wi yeereke ddeko ddoonanara voothwarani minkhella dda mirima ddiwa wi yeerellaneke ddeko ddoowulliha muru.

Ezekiele 11:13

Killotellaka, Pelatiya mwaana a Benaya aakhwa. Vano kahiimoriha moopopheya ekhove vatthi kikhuwa wi, “Nyu Apwiya Mulluku, ethiyo munapaalla wi mwaamallihe Aisraele attheene oohalla?”

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”

Yeremiya 8:11

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 1:6

Mi kahaakhulla wi, “Ha, Apwiya Mulluku! Nginadduwella ollota vawi kiri mwaana.”

Yesaya 63:17

Ethiyo munanihollosella tini va ettilla ddanyu? Ethiyo munanaakhullellella tini wi nikhalleke awumma murima ophiyera khannawoovanittho? Hokollowani ekaamba ya oorumeyellaanyu, malloko a athu ayo eri yoohallanaanyu.

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Eksodo 5:22

Vano Mose aavekellattho wa Apwiya wi, “Apwiya kaambiiwa tini munaahooseenyu athwaanyu? Ethiyo mwakirumelle tini?