Yeremiya 39:9 - Mawu a Mulluku

⁹ Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Yeremiya 39:9 ပူးပေါင်းရင်းမြစ်များ

Yeremiya 40:1

Mawu a Apwiya yaawa wa Yeremiya va enthawi eyo Nebuzaradani oohoollella a alonda amuttaphunlleeye o Rama. Amuphwanyille amakiwe ni onyolo ni awuukaporoni amodda a o Yerusalemu ni a o Yuda ooyaana o Babiloni.

Genesis 37:36

Enthawi yeeyo amalondaalle yaari emukullihalle Yosefe wa Potifara o Iguputo. Potifarooyo aari enduna yuullupalli ya akhoto oowehera enyumba ya Farao.

Yeremiya 52:26

Nebuzaradani, muullupalli a alonda akhoto, ahaakusella attheene wa mwene a o Babiloni o Ribula.

Yeremiya 10:18

Apwiya enallota wi, “Vano kineerewaavenyihamo athu attheene mwiillaponimmu. Kineerewuunyenyani ophiyera naari mmodda a nyuwaano khakhallavo oovulluwa.”

2 Mamwene 25:20

Nebuzaradani, muullupalli a alonda akhoto ahaakusella attheene wa mwene a o Babiloni o Ribula.

2 Mamwene 25:11

Voomallihella Nebuzaradani, oohoollella a alonda akhoto ahaapharella wuukaporoni o Babiloni athu oohalla m'muzindani ni ayo yiivelleelle wa olliye.

Yeremiya 16:13

Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Yesaya 5:13

Sika athwaaka eneerophariwa okaporo ekaamba yoohiiwesesa ddeko. Oohoollelliiwa oovahiwa olemu eneerokhwa ni ettalla nave athu shisha anchichi eneerokhwa ni nthona.

2 Mamwene 20:18

Ddimodda mwa edduullu ddanyu ddineneerophariwa nave ddineerotthattusiwa allupa mutteko oohulliwa* wi yarumeyelleke o enyumba yoomwene o Babiloni.’ ”

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 24:8

“Koma wonanko namukuyu oonanaroolle, oohiphwanella omucha, tti mmo kinaamullakelleemi mwene Zedekiya a o Yuda, enduna ddaye ni attheene oohalla mu Yerusalemu ayo eri mwiillaponimmu navettho Ayuda ayo enakhalla o Iguputo.

Yeremiya 38:19

Koma mwene Zedekiya aamulleella Yeremiya wi, “Kinawoova Ayuda yathawenlle khalle wa Ababiloni. Kinoova wi Ababiloni ttuukivelleella wa Ayudaayo nave alliwa ttuukihoosa.”

Yeremiya 52:27

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Yeremiya 40:7

Nave vaakhalla oohoollella amodda ni akhotwiiwa ayo yiipittha. Alliwa ni athwiiwa yahiiwa wi mwene a o Babiloni aamutthoolla Gedaliya mwaana a Ahikamu wi akhalle oolamulella nave wi aawehereke athu oohoowesesa, allopwana, atthiyana ni anamwani, ayo yahiphariwe okaporo waayaana o Babiloni.

Daniele 2:14

Vano Daniele aallota mweezeru ni moolemu wa Ariyoki, akhoto muullupalli a mwene, oyo arumiwe wi awiiphe eezeru a o Babiloni.