Yeremiya 39:8 - Mawu a Mulluku

⁸ Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Yeremiya 39:8 ပူးပေါင်းရင်းမြစ်များ

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Yeremiya 38:18

Koma mwaahiivelleella wa enduna dda mwene a o Babiloni, muzindoolla oneerovelleelliwa m'mattani mwa Ababiloni nave eneerowuhella munllo sika khamuvulluwa m'mattani mwiwa.’ ”

Yeremiya 21:10

Koosimikiza oweerella ddoonanara, ohiri ddaphaama muzinda yoolla. Oneerovelleelliwa wa mwene a o Babiloni nave aneerowushellelliha.”

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 37:10

Naari mwagonjihalle Ababiloni attheene ayo munawaneenyuna ekhoto naarittho mwa alliwa muhanlle oophoreyave m'misasani ddiwa, alliwaayo eneerotthupulluwa ni owuhella munllo muzindaanyu.”

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 34:2

Apwiya Mulluku a Israele, yaamulleella Yeremiya wi, “Khawe wamulleelle Zedekiya mwene a o Yuda wi Apwiya enallota wi muzindoolla kineerowuvelleella wa mwene a o Babiloni nave aneerowoosa.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yesaya 5:9

Kohiiwa Apwiya Amasiva Mattheene ellupellaka wi, “Ddawoona, enyumba ddinchichinnddo ddineerotthattuwa matepe, enyumba dduullupalli ddooreeranddo khamukhallaka athu.

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

2 Mamwene 25:8

Nllapo naneetthanu ni piilli, mweeri waneetthanu, muyakha wa 19 wa omwene wa Nebukadinezara a o Babiloni, Nebuzaradani, muullupalli a alonda akhoto aawa o Yerusalemu.

Masalimo 79:7

Vawi ahaamirya athu a Yakobo, ellapwiiwa aayitthattusa ntepe.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Ezekiele 16:41

Eneerohella munllo enyumba ddawo nave eneerewuullaka vaweella atthiyana anchichi yoonaka. Oraruwa wawo onaamallelle vaavo nave khowa waallivellattho awuukondaawo.

Ezekiele 23:47

Atthiyana eelliinaayo yaavokhe malluku nave yaakakathe ni masupadiiwa. Ewiiphettho aniiwa aallopwana ni aatthiyana ni woosa enyumba ddiwa.

Ezekiele 33:21

Va nllapo naneetthanu na mweeri wa khumi, muyakha wa khumi ni miilli wa okaporwaahu, muthu oyo avulluwalle o Yerusalemu aawa akilleella wi muzinda woomora.

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.