Yeremiya 39:4 - Mawu a Mulluku

⁴ Zedekiya mwene a o Yuda ni akhotwaaye yawoonilliiwa yaathawa m'muzindani mahiiyu oweella m'matani mwa mwene ovirella va mullako wa variyari va esiri piilli nave yathawenlle o Araba.

Yeremiya 39:4 ပူးပေါင်းရင်းမြစ်များ

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

2 Epilli 32:5

Hezekiya ahaamba ophara mutteko moollipa nave aamakattho esiri eyo yakumuwalle. Vano aamakattho mattattha vaddullu viwa nave otte wiwa aamakattho esiri emodda, aallipihattho mpanda nnddina niwa Milo mu muzinda wa Davide. Aapangattho ezida ddakhoto ni ddawiitetezellana ddinchichi.

Ezekiele 12:12

Oohoollelliiwa aneerewiireya katundwaaye vanthurini waripa nave aneerotimulla. Aneerokhumella vasirini mvo athu yaphovollilliiwa akhuneelle owiitthoni wiwa wi ehoone nko enayiiwa.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Yesaya 22:11

Variyari va esiri piilli mwaamakavo ehime yoosungellamo maaddi oovenyera o nthiya nakhalle. Koma khamwaaganizalle dda Mulluku oyo eerihalle ddenndda naari vang'ono. Khamwaapwathille dda olliye oyo addikeraatthihalle khalle.

Yeremiya 32:4

Ddawoona, Zedekiya mwene a o Yuda khavulluwa wa Ababiloni koma aneerovelleelliwa wa mwene a o Babiloni, sika aneerewoonana vamiitthoni ni vamiitthoni nave aneerollotana.

Ezekiele 12:4

Omukhumihe otthaana katundwaawo alliwa yoonaka. Nave misikuwa ovenye owaninyu wonanko onaya wuukaporoni.

Yesaya 22:3

Oohoollellaanyu attheene yaathawa vamodda nave yaaphariwa ehinavokhe naari muura mmodda. Attheenenyu mwaphwanyeyille mwaaphariwa naari mwaathawille khalle adani eri woorekama.

Yesaya 29:2

kineerohella ekhoto muzinda wa Ariyele. Sika onaakhalle winlla ni okhupanya nave muzindooyo onaatthattuwe eng'anjo ya nikuwa na mukutho.

Yeremiya 32:5

Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”