Yeremiya 39:16 - Mawu a Mulluku

¹⁶ Khawe wamulleelle Ebedemeleki Mukushi wi Apwiya Amasiva Mattheene, Mulluku a Israele anallota wi, “Ngoonani, ddineereweereya nnddo kallotilleemi dda muzindoolla vawi ddinaakhalle ddoonanara ohiri ddaphaama. Ddineereweereya va enthawiiwa, weyaano woonaka.

Yeremiya 39:16 ပူးပေါင်းရင်းမြစ်များ

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Mateyu 24:35

Oddullu ni ellapo yavatthi ddineeromalla koma mawaaka khemalla.

Yeremiya 36:31

Kineeromullaka ni edduullu ddaye vamoddattho ni enduna ekaamba ya ddoonanara ddiwa. Kineerewaamorihella alliwa ni athu attheene a o Yerusalemu ni a o Yuda ddawoopiha ddittheddene kallotilleemi kaambiiwa kheyiiwellelle mawaaka.”

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 26:20

Vaakhallattho muthu mmodda oyo allotella munnddina na Apwiya, nnddina naye naari Uriya mwaana a Shemaya a o Kiriyati Yearimu. Olliye aallotellattho dda woonongeya wawoopiha nko onaamorelle muzindoolla ni ellapweella wonanko mmo eerelle Yeremiya.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

Yeremiya 5:14

Sika ekaambiiwa Apwiya Mulluku Amasiva Mattheene enallotiiwa wi, “Vawi ellotille ddiidda, kineerewaatthattusa mawaaka munllo muwano mwawo. Kineerewaatthattusa ekhuni nave munllo oneerewaashellelliha.”

Masalimo 92:11

Miitthwaaka ahoona woonongeya wa adanaaka, maarwaaka ahiiwa winlla wa ookiwukila.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Yeremiya 44:27

Kineerewoonesesa wi athu yaalla kiweerelle ddoonanara ohiri ddaphaama. Athu attheene a o Yuda ayo eri o Iguputo eneerewiiphiwa ni ekhoto, amodda enaakhwe ni ettalla, ophiyera kaatthollosille.

Amosi 9:4

Naari epharelliwe wuukaporoni ni adaniiwa, wenko kineerolamula wi yiiphiwe ni nsupada. Kineerewoonesesa wi athu yaalla kiweerelle ddoonanara ohiri ddaphaama.”

Yeremiya 40:3

Nave ddenndda aheera moollikana ni mmo yallotelliiwa ekaamba yawi nyuwaano athu mwahaachimwella Apwiya, khamwaawiiwellelle.