Yeremiya 39:13 - Mawu a Mulluku

¹³ Sika Nebuzaradani, oohoollella a akhotoolle, aatimulla vamodda ni Nebushazibani oohoollella muullupalli ni Neregali Sarezere oolamulella mulloko mmodda weekhoto ni enduna ddittheddene dda mwene a o Babiloni.

Yeremiya 39:13 ပူးပေါင်းရင်းမြစ်များ

Yeremiya 39:3

Sika attekweene attheene a mwene a o Babiloni yaavollowa ekeraatthi va mullako wa Variyari. Alla yaari Neregali Sharezere, Samugiri Nebo, Sarisekimu muullupalli a enduna ni Neregali Sharezere mmoddattho akhoto muullupalli oohoolla vamodda ni enduna ddimodda ddittheddene dda mwene a o Babiloni.

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Yeremiya 38:28

Vano Yeremiya aakhallave mu nthato na alonda ophiyera nllapo nno muzinda wa Yerusalemu wagonjihiwiiwa.

Yeremiya 39:12

“Mukuse, omuwehere phaama nave ohimukatamihe koma omweerelle ddoopaalla ddaye.”

Yeremiya 39:14

Nave yaamukusawo Yeremiya o nthato na alonda emuvelleella wa Gedaliya mwaana a Ahikamu, edduullu ya Shafani wi amuttaphulle ni omurumiha owaniwa. Sika Yeremiya aakhalla va abalaaye.