Yeremiya 38:22 - Mawu a Mulluku

²² atthiyana attheene oohalla mu enyumba yoomwene a o Yuda eneerovelleelliwa wa enduna dda mwene a o Babiloni. Vooyaani o Babiloni, atthiyanaayo eneerekewiipa nchipo nawi, ‘Akhwaawo oororomelleya yahuulleka ni wuugonjiha, meto ddawo ddootora m'matokwini, akhwaawo aahokollweella mutulli.’ ”

Yeremiya 38:22 ပူးပေါင်းရင်းမြစ်များ

Maliro 5:11

Atthiyana ennapharelliwa o Ziyoni, naarittho anamwalli mu mizinda dda Yuda.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yeremiya 43:6

Athwaayo yaari allopwana, atthiyana, anamwani, anamwani aatthiyana a mwene ni athu attheene ayo Nebuzaradani, oohoollella a akhoto, aahiyalleeye wa Gedaliya mwaana a Ahikamu, edduullu ya Shafani. Yaamukusattho namallotella Yeremiya ni Baruki mwaana a Neriya.

Mika 7:5

Ohimuroromelleke munasaawo apaalle mukhwaawo a vamurimani. Ohaaheyeke okawana ddawiipittheya naari ni ookona omirimani wawo.

Maliro 1:13

“Aarumiha munllo ovenyera oddullu, waavollowa ophiyera muwari mwa makhuvaaka. Aareya mullapa manyallwaaka, nave aakihokollosella mutulli. Aakihiya kiri ni ethakaraka ddinchichi, kiri oofooka nllapo nittheene.”

Yeremiya 41:10

Vatulli viwa Ishmaele ahaaphara okaporo athu attheene yahanlle o Mizipa. Athwaayo yaari anamwani aatthiyana a mwene ni attheene oohalla o Mizipa ayo Nebuzaradani oohoollella a akhoto aahiyalleeye m'mattani mwa Gedaliya mwaana a Ahikamu wi akhalle oolamulella. Nave Ishmaele ahaaphara aayaana o ellapo ya Aamoni.

Yeremiya 38:19

Koma mwene Zedekiya aamulleella Yeremiya wi, “Kinawoova Ayuda yathawenlle khalle wa Ababiloni. Kinoova wi Ababiloni ttuukivelleella wa Ayudaayo nave alliwa ttuukihoosa.”

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 6:12

Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

Yesaya 42:17

Attheene oororomella mafano, enallota wa mafanwaayo wi, ‘Muri milluku ddahu,’ eneerovevulliwa ni owullihiwa muru.”

Masalimo 69:14

Kivulluseni wi kihitore m'matokwini, kaakiheni wa adanaaka ni o maaddi oowallamella.

Masalimo 69:2

Kootora m'matokwini oowallamella mmo muhiri ddoonyingalla ddoollipa. Koovollowa m'maaddini oowallamella, mafunde aakimirya.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Yeremiya 46:21

Akhoto aganyu ariiyena, tti wonanko asaanaang'ombe ooneneva. Alliwattho aahokollweella mutulli nave aathawa vamodda, khaavo allipihenlle. Ddawoona, enthawi ya otulli yahaamorella, sika enthawi yawaallaka.

Yeremiya 46:5

Ethiyo vano kinoona tini? Ahoova, aahokollowa, akhotwiiwa aagonjihiwa, enathawa mwawoova, oohiweha mutulli.

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yeremiya 38:21

Koma mwakhoota wiivelleella, Apwiya aakoonihella wi

Yobu 6:15

Koma akhwaaka tti awoottha, tti wonanko maaddi am'mitthipiddani, wonanko asimihinje oohillekella wumma.

Yeremiya 27:14

Muhiwiiwellelle anamallotella ayo enuulleellani wi muhimurumeyelle mwene a o Babiloni vawi enimawoottotthani.

Yeremiya 27:15

Khe miyaano kaarumalle naari ellotellaka mu nnddina naka. Sika kineerowiikarani nave muneerewoonongeya nyuwaano ni anamallotellaanyu.”