7 “Mi Apwiya Mulluku a Israele, kinallota wi mwene a o Yuda oyo urumme wi okiveke ezeru, wamulleelle wi, ‘Ngoonani, akhoto a Farao ayo yawiille wi yuukavihere, eneerohokollweella owaniwa o Iguputo.
Farao ni mullokwaaye wakhoto khawora omukavihera mwenooyo vawi akhoto a o Babiloni eneerowaapheella muzindooyo ni mikhuttu owaaka malliti wi ewoononge athu anchichi.
Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”
“Khaweni wa Yeremiya mwamuveke wi anillotelle wa Apwiya vawi Nebukadinezara mwene a o Babiloni oonihella ekhoto. Apaalle Apwiya ttuuneerella ddoottikhiniha wi Nebukadinezara avenyewo owanihu wuno.”
Mawu a Apwiya yaawa wa Yeremiya, Zedekiya mwene a o Yuda amurumalleeye Pashuri mwaana a Malikiya navettho mullupa mukutho Zefaniya mwaana a Maaseiya, aalleella wi,
Akhoto a Ababiloni yaari ewaapheelle muzinda wa Yerusalemu koma yiiwalliiwa wi akhoto a Farao yaallapuwa malire a ellapo ya Iguputo, yaahokollweella mutulli.
Sika ekaambiiwa mi Apwiya Mulluku kinalloteemi wi we Farao mwene a o Iguputo mi tti mudanaawo. Kineerewinttaka mattaawo mattheene, noollipa ni nawinttakeyanno nave nsupada naye nineeromora.
Enthawi yeeyo mwene a o Iguputo khaakhumallettho mwiillaponi mwaye vawi mwene a o Babiloni aari aakhille ellapo ddittheddene dda mwene a o Iguputo ovenyera o muhinje wa o Iguputo ophiya o muhinje wa Yufurate.