Akhoto a Ababiloni yaari ewaapheelle muzinda wa Yerusalemu koma yiiwalliiwa wi akhoto a Farao yaallapuwa malire a ellapo ya Iguputo, yaahokollweella mutulli.
“Mi Apwiya Mulluku a Israele, kinallota wi mwene a o Yuda oyo urumme wi okiveke ezeru, wamulleelle wi, ‘Ngoonani, akhoto a Farao ayo yawiille wi yuukavihere, eneerohokollweella owaniwa o Iguputo.
Zedekiya mwene a o Yuda sika amuwallenlle mwemmo. Mwenooyo aamukoha Yeremiya wi, “Ethiyo kaambiiwa tini onallotelleewe ddawi Apwiya enallota wi, ‘Muzindoolla kineerowuvelleella wa mwene a o Babiloni nave aneerowaakha.
“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.
