Yeremiya 37:1 - Mawu a Mulluku

¹ Mwene Nebukadinezara a o Babiloni aamukeraatthiha Zedekiya mwaana a Yosiya va mpando woomwene o Yuda, munipuroni mwa Yehoyakini mwaana a Yehoyakimu.

Yeremiya 37:1 ပူးပေါင်းရင်းမြစ်များ

Yeremiya 22:24

Apwiya enallota wi, “Kinallupella vamiitthoni vaka wi we Yehoyakini mwaana a Yehoyakimu mwene a o Yuda naari waariki wonanko emphete ya onnattanatta waka, keerewuurulla kuutathille.

2 Mamwene 24:17

Nave mwene a o Babiloni aamuzoza omwene Mataniya, apwinnya Yehoyakini, munipuroni mwaye nave aasintha nnddina naye wi akhalle Zedekiya.

2 Mamwene 24:12

Sika Yehoyakini mwene a o Yuda ni amennya, alangizaaye, enduna ddaye ni attekweene a o enyumbaaye yahiivelleella wa mwene a o Babiloni. Mwene a o Babiloni aamuphara Yehoyakini okaporo m'muyakha waneetthanu ni raru wa omwenaaye.

Yeremiya 52:31

Va nllapo na 25 na mweeri waneekhumi ni piilli, m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini mwene a o Yuda voomukhumihani mundende.

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Yeremiya 21:1

Mawu a Apwiya yaawa wa Yeremiya, Zedekiya mwene a o Yuda amurumalleeye Pashuri mwaana a Malikiya navettho mullupa mukutho Zefaniya mwaana a Maaseiya, aalleella wi,

Yeremiya 34:2

Apwiya Mulluku a Israele, yaamulleella Yeremiya wi, “Khawe wamulleelle Zedekiya mwene a o Yuda wi Apwiya enallota wi muzindoolla kineerowuvelleella wa mwene a o Babiloni nave aneerowoosa.