Yeremiya 36:9 - Mawu a Mulluku

⁹ Va mweeri waneetthanu ni sese wa muyakha waneetthanu wa omwene wa Yehoyakimu mwaana a Yosiya mwene a o Yuda, athu attheene a o Yerusalemu ni attheene yavenyenre o mizinda dda Yuda yahiiwanana dda ohalla ocha wi yaapepese Apwiya.

Yeremiya 36:9 ပူးပေါင်းရင်းမြစ်များ

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

Yona 3:5

Athu o Nineve yaakhulupilila othenga wa Mulluku. Sika yaallalleya wi arive muthu, waambeella muullupalli ophiyera mung'onong'ono, athute ddoocha nave aware echiguduli wooniha olapa.

Yeremiya 36:22

Olla waari mweeri waneetthanu ni sese nave mwene aari mu enyumba ya va enthawi yooriirya, oothaka munllo oyo waviiddeelliwa ekaamba ya oriirya.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Zekariya 8:19

“Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yeremiya 36:1

Mawu a Apwiya yaawa wa Yeremiya mu muyakha waneesese wa omwene wa Yehoyakimu mwaana a Yosiya, mwene a o Yuda wi,

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Levitiko 23:27

“Nllapo naneekhumi na mweeri waneetthanu ni piilli tti naweera mutetho woopepesella machimo. Nenna nikhalle nllapo naweera mutthukumano woopatuleya. Muhalle ocha nave muvelleelle mukutho wawoosiwa viikho wa Apwiya.

Oweeruza 20:26

Vano athu attheene, sika wi mulloko wa athu akhoto muttheene waaya o Betele wi winlle. Yaakeraatthi vamiitthoni va Apwiya, ehalla ocha* nllapo nenno ophiyera misikuwa nave yaavelleella mukutho wooshellelliha ni mukutho wa eyaattano vamiitthoni va Apwiya.

1 Samuele 7:6

Vano yaatthukumana o Mizipa. Yaarika maaddi enawiithella vatthi mooveka wi Apwiya yaakhululukelle enahalla ocha* nllapo nittheene. Yaanallota wi, “Nohaachimwella Apwiya.” Tti o Mizipa nko Samuele eeruzelleeyewo millatu dda Aisraele.

Yeremiya 36:6

Sika vano onaayeewo tti weyaano munipuroni mwaka, va nllapo noohalla ocha,* weerenge mawu a Apwiya ayo kuulembihalleemi mu nibukhummu athu attheene yiiwaka. Weerenge vamiitthoni va athu attheene a o Yuda oovenyera o mizinda ddiwa.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.