Yeremiya 36:7 - Mawu a Mulluku

⁷ Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yeremiya 36:7 ပူးပေါင်းရင်းမြစ်များ

Yeremiya 36:3

Apaalle nibanja na Yuda ttuuwiiwa dda ddawoopiha ddittheddene nnddo kinaamorihelleemi. Sika arive muthu aneerohiya makhallellwaaye oonanara. Vano kineerewaakhululukella ddoonanara ddiwa ni machimwiiwa.”

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

2 Mamwene 22:17

Athwaayo aakihiya, enavelleella mikutho wa milluku ddimodda ni okichimwella ni mafanwiiwa, mitteko ddittheddene dda mattiiwa. Sika osha murima waka wookharella muzindoolla nave khowa othiima.

2 Mamwene 22:13

“Khaweni mwaakohe Apwiya munipuroni mwaka ni mwa athu a mu ellapo ettheene ya Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Yona 3:8

Athu attheene eware mathumba. Enamattho ddikhuneelliwe ni mathumba. Arive muthu avekelle ni murima muttheene wa Mulluku. Ddawoona, arive muthu ahiye weera makhallellwaaye oonanara ni akhoto.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Ezekiele 22:20

Monga mmo athu enatthukumanihelliiwa siliva, mkuwa, mukoko muthove ni echitini, ekhariha munllo wi oddeeke, tti mmo kinaawutthukumanihelleemini kishille murima ni owalli. Kineerewuuhiyani muwari mwa muzinda nave kineeroweekani mwemmo wonanko munllo.

Ezekiele 20:33

“Mi Apwiya Mulluku kinallupella vamiitthoni vaka kineerewuulamulellani ni nnatta naka namasiva, kittaphurusalle muwonwaaka nave kiri oosha murima wunchichi.

Ezekiele 13:13

“Ella sika ekaambiiwa mi Apwiya Mulluku kinalloteemi wi, ‘Kineerorumiha ephevo yawoopiha moosha murima. Kineeromurupiha murimu amasiva moowalli Kineeromoriha marallalla muullupalli moovoriiha murima ophiyera esireeyo yoonongeyesese.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Ezekiele 5:13

“Muneerodduwella mmo osha murima waka onaaweerelliiwa nave kineerewaasimwella ophiyera murimaaka okhurumuwalle. Sika eneerodduwella wi mi Apwiya koollota mweehache vawuullakani mwawi ddiidda.”

Yeremiya 26:3

Apaalle ttuuwiiwellella nave arive muthu ttuuhiya machimwaaye wi kihaallake moollikana ni mmo kaganizelleemi ekaamba ya ddoonanara ddiwa.

Yeremiya 25:5

Alliwa yaanallotella wi arive muthu mwa nyuwaano ahiye makhallellwaaye oonanara ni mitteko ddaye ddoonanara wi mukhalle mu ellapo eyo Apwiya yuuvahilliiwani nyuwaano ni makhollwaanyu wa enthawi yoohimalla.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 16:10

“Vano waalleella athwaayo mawu yaalla, yakoha wi, ‘Kaambiiwa tini Apwiya ellotilliiwa wi otulli wawiddiidda onimorella hiyaano? Ethiyo nilakwille tini? Ethiyo naachimwenlle tini Apwiya Mullukwaahu?’

Yeremiya 1:3

Mawu a Apwiya yaawattho wa olliye va enthawi ya Yehoyakimu, mwaana a Yosiya, mwene a o Yuda ophiyera mweeri waneetthanu wa muyakha waneekhumi ni mmodda wa Zedekiya mwaana a Yosiya mwene a o Yuda mvo athu a o Yerusalemu yaphariwiiwa okaporo.

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Yeremiya 37:20

Vano kinuuvekani nyu apwiyaaka amwene wi mwiiwe oveka waka. Muhikihokolloselle o enyumba ya namalembella Yonatani woova wi kinaakhwelle wenko.”

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.

Ezekiele 12:3

Vano we mwaana a muthu, mukuse katundwaawo okhalle wonanko muthu anaya wuukaporoni. Nave otimulle otthaana oya o nipuro nimodda alliwa ewoonaka. Apaalle ttuuwiiwa naari eri oowukila.

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Yowele 2:12

Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.