Yeremiya 34:5 - Mawu a Mulluku

⁵ koma onaakhwe mwamurendelle. Nave valle athu yooseewavo lubani* voovitthani maliro a makhollwaawo akhalle ayo yaari mamwene weyaano ohinavollowe omwene, vano weyaanottho voovitthani malirwaawo eneerowoosattho lubani. Voowiipellani nchipo namaliro eneereke wi, ‘Ddeethakaraka! Apwiihu aakhwa!’ Mi Apwiya koollota.”

Yeremiya 34:5 ပူးပေါင်းရင်းမြစ်များ

Yeremiya 22:18

Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

2 Epilli 16:14

Yamuvitthalle m'mahame ayo iisemelleeye mu muzinda wa Davide. Mutembwaaye yawukonaatthihalle mu nibokosi mmo mwaari ddawunkhella ddoohiyanahiyana nnddo ddapangiwe ni athu eeruso. Vano yaaviddeella munllo wawoopiha omuvaha olemu.

Daniele 2:46

Sika mwene Nebukadinezara aapopheya ekhove vatthi nave aamullapella Daniele. Aalamula wi athu evelleelle mukutho ni woosa lubani* wa Daniele.

Ezekiele 17:16

“Mi Apwiya Mulluku kinallupella vamiitthoni vaka wi, ‘Mwene yooyo anaakhwelle o Babiloni, mu ellapo ya mwene amuzozillooyo. Aavevulla ollupella waye nave aatathilla echipangano eyo akeraatthihalleeye ni mwene mmoddooyo.

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

2 Epilli 34:28

‘Sika kineerowaakhullella wi okhwe mwamurendelle ni ovitthiwa vamodda ni makhollwaawo. Mwawi miitthwaawo khewa yoonaka ddoonanara nnddo kinaaweemina va muzindoolla ni athwiiwa.’ ” Sika athwaalle yaahokollowa eya yallota mawu yaayo wa mwene.

2 Mamwene 22:20

Sika kineerowaakhullella wi okhwe mwamurendelle ni ovitthiwa vamodda ni makhollwaawo. Mwawi miitthwaawo khewa yoonaka ddoonanara nnddo kinaaweemina va muzindoolla.’ ” Sika athwaalle yaahokollowa eya yallota mawu yaayo wa mwene.

Yeremiya 34:4

We Zedekiya, mwene a o Yuda, iwa lonjezo na Apwiya vawi weyaano khokhwella okhotoni

1 Samuele 31:12

allopwana attheene oollipa murima yaatimulla yeeta ni mahiiyu yavenyihavo mutembo wa Saulo ni mitembo dda anaaye vasirini ya Betesheani. Ewiillena mitembonnddo o Yabeshi, yaaddihella munllo.