Yeremiya 33:9 - Mawu a Mulluku

⁹ Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Yeremiya 33:9 ပူးပေါင်းရင်းမြစ်များ

Yesaya 60:5

Oneerewoona ddenndda ni oneerohakallalla, murimaawo oneerothapella. Eyuuma yoonyanja eneerewuuweella, katundu a o ellapo ddittheddene aneerewuuphiyera.

Yeremiya 13:11

Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”

Yesaya 62:7

Muhihiye wuupusa ophiyera emmakillettho Yerusalemu ni otthattusa muzinda oyo onaatthamalliwe ni ellapo yavatthi.

Nehemiya 6:16

Nave adanaahu yiiwalle yeella, mitundu ddittheddene ddoonaapheella, kaawiithaniha allupa mukutho nave kahaallupelliha vawi yaadduwella wi muttekoolla wakwakhwanihiwe ni okavihera wa Mullukwaahu.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Masalimo 40:3

Yaahiya nchipo nanaanweene muwano mwaka, nchipo noomutitimiha Mullukwaaka. Athu anchichi eneeroddoona ddenndda nave eneerewoova ni waaroromella Apwiya.

Zekariya 12:2

“Kineeromutthattusa Yerusalemu akhalle wonanko kapu a vinyo oyo anaalezelihe mitundu ddittheddene dda athu ddoomwaapheella. Yuda aneerohelliwattho ekhoto vamodda ni Yerusalemu.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Yeremiya 29:1

Yeremiya aamurumiha kalata ovenyera o Yerusalemu oya wa oohoollella a wuukaporoni navettho allupa mukutho, anamallotella ni athu amodda attheene ayo Nebukadinezara aaphanreeye okaporo o Yerusalemu aayaana o Babiloni.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

2 Epilli 20:29

Nave moomwene mattheene yaamoova Mulluku yiiwalliiwa wi Apwiya yahaawanella ekhoto wa adaniiwa a o Israele.

Masalimo 130:4

Koma nyu, munnakhululuka, wi mooviweke.

Yesaya 55:13

Nko vano ori miteekho ddamiiwa oneeromella paini, nko ori kakande oneeromella miteekho ddamuchisu. Ddenndda ddinaakhalle yawuupuwella ya mi Apwiya, wonanko echizindikiro yoohimalla, yoohithiimiheya.”

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Yesaya 64:2

wonanko mmo munllo onashellihelliiwa nihaka navettho wonanko mmo onaviddullelliiwa maaddi wi adanaanyu yuudduwelleni nave wi athu a mitundu ddimodda etthukumelle vamiitthoni vanyu.

Yeremiya 3:19

Apwiya enallota wi, “We Israele, ddeerokiddivella wuuhiya variyari va anaaka, wi kuuvahe ellapo yaphaama, yoohallana yooreeresesa okhwaranya ellapo ya mitundu ddimodda dda athu. Kapaalla wi mukeereke attiitthi, wi khamuwa mukihiyattho miyaano.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yeremiya 32:42

“Moollikana ni mmo kaamorihelleemi otulli athwaalla, emoddamoddave yeeyottho kineerewaavaha murendelle oyo kaalonjenzeemi.

Yeremiya 33:14

Apwiya enallotattho wi, “Ngoonani, enthawi enimawa mvo kinaakwakhwaniheemi nnddo kaalonjezilleemi athwaaka a o Israele ni a o Yuda.

Yeremiya 49:25

Muzinda woovuwoolle ni weehakallalloolle woohiyiwa!

Ezekiele 26:20

Kineerewuukuhella vatthi wi okhalle vamodda ni athu akhalle ayo yakitthenlle omahame. Kineerewuukitthihella ollitininko vamodda ni athu yakhwille khalle wonanko ntepe natthaamiwe khallekhalle. Sika khowa okhalla ni athu mu ellapo ya ookumi.

Ezekiele 39:13

Athu attheene a mwiillaponimmo eneeroddivitthana nave mutteko yooyo eneerovuwana nllapo nno kinaawooniheemi ntitimiho naka. Mi Apwiya Mulluku koollota.

Deuteronomo 30:5

Eneerewuuvelleellani o ellapo eyo makhollwaanyu yaakhilliiwa khalle wi nyuwaano muyaakhettho. Nave eneerewuuvahani eyuuma yawaata ni wuuruuwihani wunchichi okhwaranya mmo yakhallelle makhollwaanyu.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Yesaya 62:1

Ekaamba ya Ziyoni ngeera ellapo tuu, ekaamba ya Yerusalemu ngiithuuwa ophiyera echilungamwaaye yooneyille vaweella wonanko owala, ovullusa waye wonanko mutthiko wookhara.

Yeremiya 31:14

Allupa mukutho kineerewaachiha yoocha yaphaama, athwaaka eneerovona ddaphaama ddaka. Mi Apwiya koollota.”

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”