Yeremiya 33:7 - Mawu a Mulluku

⁷ Athu a o Yuda ni a o Israele kineerewaahiya vaphaama ni waahokollosella mmo yakhallelliiwa vawaamba.

Yeremiya 33:7 ပူးပေါင်းရင်းမြစ်များ

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yesaya 1:26

Kineerewaakeraatthihattho aweeruzaawo ni attekweenaawo wonanko khalle. Attekweenaawottho. Vatulli viwa we oneeroromolliwa muzinda woororomelleya ni woolungama.”

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Yeremiya 30:20

Aniiwa eneerokhallattho wonanko yakhallelliiwa khalle, mutthukumano muttheene kineerowukeraatthiha kineerewaallaka attheene awaahoosa.

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Masalimo 126:4

Nyu Apwiya, nihokolloselleni ddaphaama, nikhalle wonanko mihinje dda muchipululuni.

Masalimo 85:1

Nyu Apwiya, mwaayeerella echifundo ellapwaanyu, mwaahokollosella ekari wa nibanja na Yakobo.

Masalimo 14:7

Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Masalimo 126:1

Apwiya yanihokolloselliiwa o Ziyoni, nakhalla wonanko ninimalloha.

Yeremiya 31:38

Apwiya enallota wi, “Enthawi enimawa mvo miyaano Apwiya kinaamakelliweemi muzinda waambeella o nttattha na Hananele ophiya o mullako wa Ekona.

Yeremiya 50:4

Apwiya enallota wi, “Mallapo yaayo, enthawi yeeyo Aisraele ni Ayuda eneerotthukumana vamodda, eneeroowa yinllaka. Eneerewaashaasha ddoopaalla dda Apwiya Mullukwiiwa.

Maliro 4:22

Nyu anamwani aatthiyana, Ziyoni, ollakiwa wa machimwaanyu woomalla, Apwiya kheyoonjerera okaporwaanyu. Koma nyu athu a o Edomu, Apwiya eneerewuullakani ekaamba ya machimwaanyu, eneerewoonihella vaweella ddoonanara ddanyu.

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Yesaya 52:8

Ngiiwani, alondaanyu ennawelliha mawu, eniipa vamodda moohakallalla vawi ennoona ni miitthwiiwa Apwiya ehokollweellaka o Ziyoni.