Yeremiya 33:5 - Mawu a Mulluku

⁵ Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 33:5 ပူးပေါင်းရင်းမြစ်များ

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Yeremiya 32:5

Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”

Yeremiya 21:10

Koosimikiza oweerella ddoonanara, ohiri ddaphaama muzinda yoolla. Oneerovelleelliwa wa mwene a o Babiloni nave aneerowushellelliha.”

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Yeremiya 18:17

Kineerewaapallallesa wonanko ephevo ya woovollowa nndduwa, eneerothawa voophiyani adaniiwa. Kineerewaareya etulli oohaakavihera va enthawi ya ddoohoosa ddiwa.”

Deuteronomo 32:20

Nave yaallota wi, ‘Kineerewaareya etulli, kineerewoona eyo enaamorelle vawi alliwa tti mbado wawoottha, tti anamwani oohiroromelleya.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Deuteronomo 31:18

Ddawoona, enthawi yeeyo kineerewaareya etulli ekaamba ya machimwiiwa mattheene yeerilliiwa voollapellani milluku ddimodda.