Yeremiya 33:3 - Mawu a Mulluku

³ ‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Yeremiya 33:3 ပူးပေါင်းရင်းမြစ်များ

Yeremiya 29:12

Enthawi yeeyo muneerokiithana wi mukillapelleke nave kineerowaakhullani.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Yesaya 48:6

Ddittheenenndda waaddiiwa sika vano onneesesa phaama, ethiyo khoddaakhullella? Ovenyera ollello ophiyera muhoollo, kinuulleella ddeko ddanaanweene, ddeko ddawiipittheya nnddo wahiddidduwenlleewe.

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 145:18

Apwiya eri vakhuviru ni attheene ayo enawiithana, ayo enawiithana mwawoona.

Deuteronomo 4:7

“Ethiyo tti mutundu muullupalli oovi oyo ori ni milluku ddookhalla vakhuviru ni alliwa wonanko mmo Mullukwaahu anakhallelleeye ni hiyaano? Vawi erive enthawi namwiithana olliye annanaakhulla.

Mitteko 2:21

Vano attheene ayo enaawiithane mu nnddina na Apwiya eneerovullusiwa.’ ”

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Yesaya 45:3

Kineerewuuvaha eyuuma yawiipittheya, ddoowallamella mutengo munipuroni noovittheya sika oneerodduwella wi mi tti Apwiya Mulluku a Israele oyo kinawiithana ni nnddina nawo.

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

Mika 7:15

Monga mallapo alle mwakhumalleenyu o Iguputo, nooniheni ddoottikhiniha.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Yeremiya 23:35

Koma mawu awi arive muthu amukoheke mukhwaaye ekhalle awi, ‘Apwiya yaakhunlle tini? Apwiya ellotille tini?’

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Yeremiya 32:27

“Mi tti Apwiya Mulluku a athu attheene. Ethiyo yookhallavo yoohiworeya ni mi?

Daniele 2:18

Ahaalleella wi evekelle echifundo wa Mulluku ooddullu moollikana ni yawiipittheyeeyo wi alliwa ehiiphiwe vamodda ni eezeru amodda a o Babiloni.

Daniele 2:22

Annuupullulla ddeko ddoowallamella ni ddawiipittheya, annadduwella ddamwiipiphini, owala onakhalla ni olliye.

Daniele 2:23

Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”