Yeremiya 33:12 - Mawu a Mulluku

¹² Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 33:12 ပူးပေါင်းရင်းမြစ်များ

Yesaya 65:10

Wa athwaaka ookaashaasha, ntapo na Sharoni ninaakhalle woochihella enkhosa nave ntapo na Akori nineerotthattuwa nipuro nawiithuuwellavo mulloko wa eziweto.

Yeremiya 51:62

Vatulli viwa wavekelle wi, ‘Nyu Apwiya moollalleya yoolingaanyu yoopaalla woononga nipuronna, oohihiyavo ello, muthu apaalle enama. Nave enaakhalle echipululu wa enthawi yoohimalla.’

Yeremiya 36:29

Vano omulleelle mwene Yehoyakimu a o Yuda wi, Apwiya enallota wi wahoosa nibukhunne voollotani wi, ‘Kaambiiwa tini olembilleewe wi mwene a o Babiloni aneerewoononga ellapweella, athu ni enama ddene?’

Yeremiya 31:24

Athu eneerokhalla o Yuda ni mizinda ddaye, oollima ni abusa ni enkhosa ddiwa.

Yeremiya 17:26

Athu eneerekovenyera o mizinda dda Yuda ni echigawo ettheene yawaapheella Yerusalemu, echigawo ya Benjamini, yamatapo, yamiyaango ni yoomwera, ekusalle mikutho ddooshellelliha, mikutho dda ddoocha, mikhutho ddalubani* ni mikutho ddoothokozella, oyaana o enyumba ya Apwiya.

Nchipo na Solomoni 1:7

Ngakilleelle, we a vamurimani vaka. Ethiyo onaddichiha wuuwi eziweto ddawo? Ethiyo onaddikonaatthiha wuuwi otthaana? Ethiyo kinaakhallelle tini owaashaasha variyari va mapuro a abusa akhwaawo? Musombwe

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yeremiya 32:15

Apwiya Amasiva Mattheene, Mulluku a Israele, ellotille wi eneerophiya enthawi mvo athu enaakullekiiwa enyumba, emata ni miteekho ddampesa mu ellapo yeella.’ ”

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.